1 WAZURI 11:12 - Biblia Ilagho Jiboie Kwa Wandu Wose

¹² Ela kwa wundu ghwa ndeyo Daudi, sichaabonya huwo matuku ghako, ela nichabonya matuku gha mwana wako.

1 WAZURI 11:12 ပူးပေါင်းရင်းမြစ်များ

KUZOYA 12:2

Nichakubonya kukaie mbari mbaa, sena nichakurasimia na kujibonya irina jako jikaie ibaa; kupate kuwuya marasimio.

KUZOYA 19:29

Iji Mlungu orekoghe ukiitotesha ija mizi erekoghe vololonyi, oremkumbukieghe Abrahamu, nao ukamkira Loti uo orekoghe ukikaia aho, usetotanye na awo weretotesheroghe.

1 WAZURI 11:11

Niko BWANA ukamzera Solomoni, “Kwa kukaia kwalemelo ni kujiwadia ilaghano japo na sharia rapo nerekulaghirieghe, loli nichaghuwagha wuzuri ghwako na kughuneka mdumiki wako.

1 WAZURI 11:13

Elaima sichaaghuinja putu ugho wuzuri; nichamneka mwana wako uibonyere nguma mbari imweri kwa wundu ghwa mdumiki wapo Daudi, na kwa wundu ghwa ugho muzi ghwa Jerusalemu nereghusaghueghe.”

1 WAZURI 11:31

Ukamzera Jeroboamu, “Wada ivi vibelele ikumi, kwa kukaia BWANA Mlungu wa Israeli waghamba huwu, ‘Ola nalighisa kughuwaghanya wuzuri ghwa Solomoni ghufume kwake, nani nichakuneka oho vichuku ikumi.

1 WAZURI 11:32

Ela nichamsighia kichuku chimweri kwa wundu ghwa mdumiki wapo Daudi na kwa wundu ghwa Jerusalemu, muzi nereghusaghueghe aghadi ya mizi yose ya mbari ra Israeli.

1 WAZURI 11:34

Elaima sichaaghuinja ugho wuzuri kwake putu, ela nichamsigha ubonye nguma irangi jake jose, kwa wundu ghwa mdumiki wapo Daudi, uo neremsaghueghe, nao oreiwadieghe memu yapo na sharia rapo.

1 WAZURI 11:35

Nichamsoka mwana wake wuzuri, na kukuneka oho vichuku ikumi.

1 WAZURI 21:29

“Kwawuyammbona Ahabu seji wakusera imbiri kwapo? Angu wakusera huwo imbiri kwapo, sichaareda ugho wuwiwi matuku ghake, ela nichairedia nyumba yake agho mawiwi matuku gha mwana wake.”

2 WAZURI 19:34

Kwa kukaia nichaghulindia ughu muzi nipate kughukira kwa wundu ghwapo, na kwa wundu ghwa mdumiki wapo Daudi.’”

2 WAZURI 20:17

Ngelo ichacha vilambo vako viko andenyi ya ngome yako, na ivo vose verewikiloghe ni weke ndeyo hata idime, vichadukwa hata Babuloni, na kindo chingi ndechichaasigharika.

2 WAZURI 20:19

Nao Hezekia ukamzera Isaya, “Ilagho ja BWANA wajighora jaboie.” Angu oreririkanyireghe, “Kewada ichakaia sere na wulindiri kwa matuku ghapo.”

2 WAZURI 8:19

Elaima BWANA nderetoteshereghe Juda, kwa kukaia BWANA orekoghe wamlaghira Daudi kukaia ndechaasoweka mndungi obonya nguma Juda wa kivalwa chake kwa kala na kala.

KUFUMA 20:5

kusakevighoghomia hata kuvidumikia, angu ini BWANA Mlungu wako, ne Mlungu uko na iriso; nawikabagha wanake kwa wundu ghwa kaung'a ra weke ndee, hata kivalwa cha kadadu na cha kana; awo wizamilwagha ni ini;