1 WAZURI 10:9 - Biblia Ilagho Jiboie Kwa Wandu Wose

⁹ BWANA Mlungu wako ndekaso! Wawonyera seji uboilo ni oho kwa kukuwika kukaie mzuri wa Israeli. Kwa kukaia Mlungu wawikunde Israeli kwa kala na kala, wakuwikie kukaie mzuri wawo, eri kupate kubonya gha loli na gha hachi.”

1 WAZURI 10:9 ပူးပေါင်းရင်းမြစ်များ

2 SAMUELI 23:3

Mlungu wa Israeli waghorie, uo uko mbanga ya Israeli wanizerie, “Iji mndumu wabonya nguma aighu ya wadamu kwa hachi, ukibonya nguma uko andenyi ya kuobua kwa Mlungu,

2 SAMUELI 5:12

Daudi ukamanya kukaia BWANA wammangisha ukaie mzuri aighu ya Israeli, na kukaia waghubonyere wuzuri ghwake ghukaie nicha kwa wundu ghwa wandu wake Israeli.

2 SAMUELI 8:15

Daudi ukawibonyera nguma Waisraeli wose, ukawitanya wandu wose kwa hachi na loli.

1 WAZURI 3:28

Israeli yose ikasikira seji mzuri watanya, wikaishinikia hikima ya mzuri; wikamanya kwa loli kukaia Mlungu wamnekie hikima upate kutanya kwa hachi.

1 WAZURI 5:7

Hiramu uendasikira malagho gha Solomoni; ukaboilwa na ndighi ukaghamba, “BWANA ndekaso idime, kwa kukaia wamneka Daudi mwana uko na hikima upate kuibonyera nguma mbari ihi mbaa.”

1 MALAGHO GHA NGELO 17:22

Kwawibonyere wandu wako Israeli wikaie wako toe, na oho kukawuya Mlungu wawo ee BWANA.

2 MALAGHO GHA NGELO 2:11

Niko Huramu mzuri wa Tiro ukamtumbulia Solomoni kwa barua ukighamba, “Kwa kukaia BWANA uwikunde wandu wake, niko ukubonyere oho kukaie mzuri aighu yawo.”

ZABURI 18:19

Orenifunyireghe na kuniwika andu kwa banana; ukanikira kwa kukaia oreboiloghe ni ini.

ZABURI 22:8

“Oremrumirieghe BWANA, oke ndemkire, ndemvuvuo angu um'boiagha!”

ZABURI 72:2

Kum'bonye utanye wandu wako kwa hachi, na wakiwa wako uwitanye kwa loli.

ISAYA 42:1

BWANA waghamba, “Zighana mdumiki wapo uo nimmangishagha, msaghulwa wapo, uo uniboiagha loli-loli. Nameria kumchura Roho wapo, nao uchareda hachi kwa iro mbari ra wandu.

ISAYA 62:4

Ndekuchaawangwa sena “Usighilo,” na isanga jako kuwangwa “Ukimbirilo.” Ela kuchawangwa “Mlungu waboilwanya nao.” Na isanga jako jichawangwa “Ulowolo.” Kwa kukaia Mlungu waboilwa ni oho, na isanga jako uchajiwusa sa mumi waro.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

ISAYA 9:7

Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

JEREMIA 31:3

nerewifutukieghe kufuma kula. Neremkundeghe kwa lukundo lwa kala na kala, niko huwo nadua ngikaia mloli konyu.

MALAKI 1:2

BWANA wawizerie wandu wake, “Ini namkunde matuku ghose.” Ela wandu wake wawuyaghamba, “Oho kwadikunde wada?” BWANA ukawitumbulia, “Welee, Esau nderekoghe mruna Jakobo? Ela sena ini neemkunda Jakobo,

WUKUMBUSO 7:8

Ela ni angu BWANA umkunde, nao waawuyajimazira ighemi jake ijo orewighemieghe weke ndeyo, ukamfunya kwa kudima kwake kubaa, na kumkombua kufuma nyumba ya wuzumba, na kufuma kwa ndighi ra mzuri wa Misri.