1 WAZURI 10:3 - Biblia Ilagho Jiboie Kwa Wandu Wose

³ Solomoni ukamtumbulia makoto ghake ghose; nderelemeloghe ni kutumbulia ilagho jingi jake.

1 WAZURI 10:3 ပူးပေါင်းရင်းမြစ်များ

2 SAMUELI 14:17

Na ini mdumiki wako ngaghesha, ‘Ilagho ja bwana wapo mzuri jichanineka kuhora’; angu bwana wapo mzuri ooka sa malaika wa Mlungu udimagha kumanya malagho mecha na mawiwi. BWANA Mlungu wako ndekaie chiaimweri na oho.”

2 SAMUELI 14:20

Mdumiki wako Joabu odebonya huwu, eri utime kughalua malagho; ela bwana wapo oko na hikima sa malaika wa Mlungu, kwa kutambua maza rose riko ndoenyi.”

1 WAZURI 10:1

Nao iji Malkia wa Sheba wasikira sare ya Solomoni, na seji umtasagha BWANA, ukacha Jerusalemu kumtima kwa makoto ghikurie.

1 WAZURI 10:2

Orechanyeghe na wadumiki wengi, na ngamila raduka marumba, na dhahabu nyingi na magho gha zoghori mbaa. Hata iji wavika Jerusalemu, ukamghoria Solomoni agho ghose gherekoghe ngolonyi kwake.

1 WAZURI 10:4

Malkia wa Sheba ukasikira iyo hikima ya Solomoni, na kuwona iyo ngome oreiaghieghe.

1 WAZURI 3:12

ola nichakubonyera kunughana na malombi ghako. Nichakuneka hikima na akili emanya, mndungi usekaie nayo hata usechaakaia nayo nyuma ya oho.

2 MALAGHO GHA NGELO 9:2

Solomoni ukamtumbulia makoto ghake ghose; ndekuwadie ilagho jingi useredimieghe kumtumbulia.

MAKATANISHO 13:20

Mundu uwadanagha na wandu wa hikima, uchawuya mundu wa hikima; ela uo uwadanagha na wakelu uchavavirika.

ISAYA 42:16

“Nani nichawilongoza vitungure kwa chia wiseiichi, nichawighenja kwa chia wisererimanyireghe. Nichachighalusa kira chiwue mwengere imbiri kwawo, na chia rizamie nicharighokesha. Agho nigho malagho nichaaghibonya, hata sichaakaia niseghikatishire anduangi.

MATHAYO 13:11

Jesu ukawitumbulia, “Inyo mwanekelo kurimanya ngasu ra wuzuri ghwa mlungunyi, ela awo ndewinekelo anduangi.

JOHANE 7:17

Mndungi ukakunda kubonya agho ughikundagha Mlungu, uchamanya ngera agho mafundisho nifundishagha gheefuma kwa Mlungu angu ngera ni gha nguma rapo reni.

1 WAKORINTHO 1:30

Mlungu nuo asili ya irangi jenyu andenyi ya Kristo Jesu; nao nuo um'bonyere Kristo Jesu ukaie hikima edu, hachi edu, kueleshwa kodu, na wukomboli ghodu.

WAKOLOSAI 2:3

andenyi kwake uo raviswa mali rose ra hikima na kumanya.