1 WAZURI 1:9 - Biblia Ilagho Jiboie Kwa Wandu Wose

⁹ Ituku jimu Adonija ukafunya kizongona cha ng'ondi, ng'ombe na ngache ribandie aja Igho ja Choka, jiko mbai na mbai ya Enrogeli. Ukawikaribisha waruna, awo wana wa mzuri, na wabaa wose wa mzuri wifumie Juda.

1 WAZURI 1:9 ပူးပေါင်းရင်းမြစ်များ

2 SAMUELI 17:17

Jonathani na Ahimaazi werekoghe wikiweseria aja Enrogeli, na mdumiki umu wa waka orekoghe ukighenda na kuwighoria, nawo werekoghe wikighenda na kumghoria Mzuri Daudi; kwa kukaia erekoghe suti wilindie wisewoneke wikingia mzinyi.

1 WAZURI 1:19

Wabwaghie kizongona cha ng'ombe na ngache ribandie, na ng'ondi kwa wungi; nao wawikaribishire wana wose wa mzuri, na mkohani Abiathari, na Joabu m'baa wa majeshi, ela Solomoni ndekaribisho.

1 WAZURI 1:25

Idime wasea ukabwagha kizongona cha ng'ombe, na ngache ribandie, na ng'ondi kwa wungi, nao wawikaribisha wana wako wose, hata Joabu m'baa wa majeshi, na mkohani Abiathari. Nawo waawuyaja na kunywa imbiri ya Adonija wikighamba, ‘Mzuri Adonija ndeduo moyo.’

MAKATANISHO 15:8

Vizongona va mmbiwi vadamzamia BWANA, ela ilombi ja mundu mucha jadam'boia.

MATHAYO 22:4

Ukaduma wadumiki wazima sena ukighamba, ‘Wizerenyi awo wandu werekaribishiroghe, Olenyi nawika vindo vapo tayari, njau na ngache ribandie rameria kubwaghwa, na kula kilambo cheko tayari; choonyi arusinyi.’

JOSHUA 15:7

ugho mpaka ghukaenda hata Debiri kufuma Vololo ya Akori, na huwo ghukaida cha magharibi ghukighaluka cha Gilgali kulangaya mishoromoto ya Adumimu iko cha kusinyi ya iyo vololo. Ghukaghenda hata ndoria ra machi gha En-shemeshi na kutua Enrogeli;

JOSHUA 18:16

Niko ghukasea nokoisi hata kirimba cha mghondi ghulangayagha Vololo ya Hinomu, ghuko kaskazinyi kutuonyi kwa Vololo ya Refaimu. Niko ghukaida cha kusinyi, kuidiria Vololo ya Hinomu; cha kusinyi luwarunyi kwa Wajebusi na kusea nokoisi cha Enrogeli.