1 WAZURI 1:52 - Biblia Ilagho Jiboie Kwa Wandu Wose

⁵² Mzuri Solomoni ukaghamba, “Kawona wakuwonyera moni kukaia mundu ufwane, hata luwiriro lwake lwa iridia ndeluchaainjwa; ela wuwiwi ghukawoneka kwake, uchabwaghwa.”

1 WAZURI 1:52 ပူးပေါင်းရင်းမြစ်များ

2 SAMUELI 14:11

Uja muka ukaghamba, “Nakulomba ee mzuri kunilombie kwa BWANA Mlungu wako, eri uo mundu olipia kisasi chedia bagha usenibwaghie mwanwapo.” Mzuri ukamzera, “Sa iji BWANA ukaiagha moyo, hata luwiriro lwa iridia ja mwana wako ndeluchaapotoka andonyi.”

1 WAZURI 1:51

Nao Mzuri Solomoni ukaghorelwa kukaia Adonija wamuobua ukakimbia cha madhabahunyi na kuriwadia mbembe raro ukighamba, “Mpaka Mzuri Solomoni unibonyere ighemi kukaia ndechaanibwagha; aho niko nichaafuma.”

1 WAZURI 1:53

Niko Mzuri Solomoni ukaduma, nawo wikamuinja madhabahunyi. Adonija ukacha na kughoghoma kwa ishima imbiri ya Mzuri Solomoni; nao ukamzera, “Ghenda cha nyumbenyi kwako.”

AYUBU 15:22

Ndena irumirio wei uchafuma kirenyi, ela wadaweseragha kubwaghwa kwa lufu.

MAKATANISHO 13:6

Hachi yadamlindia mundu mucha, ela wuwiwi ghwadamghusha mkaung'a.

MAKATANISHO 21:12

Mlungu wa hachi waichi agho ghawuyabonyeka nyumbenyi kwa mmbiwi; mmbiwi uchanonwa.

MATHAYO 10:30

Nenyo hata maridia gha vongonyi konyu ghatalilo putu.

LUKA 21:18

Ela hata iridia jimweri ja chongonyi konyu, ndejichaatota anduangi.

MABONYO GHA WADUMI 27:34

Kwa huwo namlomba muje vindo mpate ndighi; kwa kukaia ndekuwadie hata iridia ja chongo cha mndungi jichaatota anduangi.”

1 SAMUELI 14:45

Niko wandu wikamzera Sauli, “Ado Jonathani uabwaghwa umoni wawiredia Israeli wusimi m'baa? Agho ghikaie kula putu! Sa iji BWANA ukaiagha moyo, ndekuwadie hata luwiriro lwa iridia jake luchaakulwa na kupotolwa andonyi, kwa kukaia Jonathani waateselwa ni Mlungu idime.” Nao wandu wikamvuvua Jonathani usebwagho.