1 WAZURI 1:13 - Biblia Ilagho Jiboie Kwa Wandu Wose

¹³ Ghenda shwa-shwa kwa Mzuri Daudi, kumzere, ‘Wele bwana wapo mzuri, ndekorenibonyereghe ighemi ini mdumiki wako, kukaia mwana wako Solomoni nuo uchaabonya nguma wulalo ghwako, na nuo uchachiseria icho kifumbi chako cha nguma? Da yakaia wada Adonija uwurie mzuri?’

1 WAZURI 1:13 ပူးပေါင်းရင်းမြစ်များ

1 WAZURI 1:11

Niko Nathani ukamghendia Bathsheba mae Solomoni ukamkotia, “Sena kwasikire kukaia Adonija mwana wa Hagithi wakubonyere moni kukaia mzuri bwana odu mzuri Daudi usemanyire?

1 WAZURI 1:14

Hata iji kuchaakaia kukideda, ini moni wori nichangia na kuhakikisha malagho ghako.”

1 WAZURI 1:17

Nao Bathsheba ukatumbulia, “Bwana wapo, korenibonyereghe ighemi ini mdumiki wako kwa irina ja BWANA Mlungu wako kukaia, mwana wapo Solomoni nuo uchaabonya nguma wulalo ghwako, na nuo uchaachiseria icho kifumbi chako cha nguma.

1 WAZURI 1:24

Nao Nathani ukaghamba, “Wele bwana wapo mzuri, ni oho kughorie wei Adonija uchawusa wuzuri wulalo ghwako, na kedi nuo uchaasea kidombo aighu ya kifumbi chako cha nguma?

1 WAZURI 1:30

seji nerekughemieghe imbiri ya BWANA Mlungu wa Israeli ngighamba kukaia, mwana wako Solomoni uchabonya nguma wulalo ghwapo, na nuo uchaachiseria icho kifumbi cha nguma wulalo ghwapo, niko koni nichaabonya idime.”

1 WAZURI 1:35

Niko aho mchajoka nyuma yake, nao uchacha na kuchiseria kifumbi chapo cha nguma; angu uo nuo uchaakaia mzuri wulalo ghwapo, na nuo nammbika ukaie mzuri aighu ya Israeli na Juda.”

1 WAZURI 1:48

na kutasa ukighamba, ‘Bwana, uo Mlungu wa Israeli ndekaso, uo wam'bonya umu wa kivalwa chapo kusea kidombo aighu ya kifumbi chapo cha nguma idime ngiwona.’”

1 WAZURI 2:12

Niko Solomoni ukachiseria icho kifumbi cha nguma cha ndee Daudi, na wuzuri ghwake ghukamangishwa kwa loli.

1 MALAGHO GHA NGELO 28:5

Na kwa wana wapo wose (angu waninekie wana wengi) wamsaghue mwana wapo Solomoni ubonye nguma aighu ya Israeli, ugho wuzuri ghwake.

1 MALAGHO GHA NGELO 29:23

Niko Solomoni ukaseria kifumbi cha nguma cha BWANA ukaie mzuri wulalo ghwa ndee Daudi, ukawona nicha, na Waisraeli wose wikamsikira.

ISAYA 9:7

Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

JEREMIA 33:21

aho niko ilaghano japo na mdumiki wapo Daudi jidimagha kuchika, hata usowe mwana wa womi oseria kifumbi chake cha nguma, na wokoni ilaghano japo aighu ya wadumiki wapo wakohani wa Kilawi.

WUKUMBUSO 17:18

“Ukazoya kubonya nguma, usesowe kopi ya sharia sa iji koni iandikilo sharienyi na mafundisho gha Mlungu ghiko na wakohani Walawi.