1 WAZURI 1:12 - Biblia Ilagho Jiboie Kwa Wandu Wose

¹² Kwa huwo, leka nikuneke njama, eri kupate kukira irangi jako, na irangi ja mwana wako Solomoni.

1 WAZURI 1:12 ပူးပေါင်းရင်းမြစ်များ

KUZOYA 19:17

Iji wameria kumfunya shighadi wikamzera, “Kimbienyi mkire marangi ghenyu, msezighane na nyuma, hata msemange andu kungi vololonyi; kimbirienyi mghondinyi msechetota.”

1 WAZURI 1:13

Ghenda shwa-shwa kwa Mzuri Daudi, kumzere, ‘Wele bwana wapo mzuri, ndekorenibonyereghe ighemi ini mdumiki wako, kukaia mwana wako Solomoni nuo uchaabonya nguma wulalo ghwako, na nuo uchachiseria icho kifumbi chako cha nguma? Da yakaia wada Adonija uwurie mzuri?’

1 WAZURI 1:21

Isechekaia nyuma ya oho bwana wapo mzuri kufwa, ini na mwana wapo Solomoni diwuetalwa kukaia wakosi.”

2 WAZURI 11:1

Athalia, mae mzuri Ahazia, uendamanya kukaia mwana wake wameria kufwa, ukafunya momu wandu wose wa kichuku cha wuzuri wibwagho.

2 MALAGHO GHA NGELO 21:4

Hata iji Jehoramu wawada kifumbi cha ndee, na kumanga, ukawibwagha waruna wose andwamweri na wabaa wamu wa Israeli.

2 MALAGHO GHA NGELO 22:10

Nao iji Athalia mae Ahazia wawona angu mwana wake wafwa, ukafunya momu wandu wose wa kinyumba cha wuzuri ghwa wandu wa Juda wibwagho.

MAKATANISHO 11:14

Mbari ikasowa wulongozi yadaghwa; andu wanjama wiko wengi, wubanana ghoko.

MAKATANISHO 15:22

Mipango isene njama yadaenda kiwiwi, ela wanjama wikakaia walazi, yadakaia nicha.

MAKATANISHO 20:18

Mipango yadamangishwa ni njama ndicha; kusezoye wuda kusebonyere mipango.

MAKATANISHO 27:9

Mavuda na marumba, ghadaibonya ngolo iboilo; ela roho yadakaia na wasi ikapatwa ni malagho.

JEREMIA 38:15

Ngamzera Zedekia, “Ngakughoria-lee, ndakwadanibwagha? Nako ngakuneka njama, ndekuisikiragha.”

MATHAYO 21:38

Ela iji awo walimi wammbona uja mwana, wikaghamba weni na weni, ‘Uhu ni mundu wa ifwa. Nndokonyi dim'bwaghe ifwa jipate kuwuya jedu.’

MABONYO GHA WADUMI 27:31

Paulo ukawizera m'baa wa masikari na masikari wake, “Awa wandu wisaakaia andenyi melinyi, inyo ndemkiagha anduangi.”

WATANYI 9:5

Abimeleki ukaghenda nyumbenyi kwa ndee aja Ofra na kuwibwagha waruna, awo wadawana mirongo mfungade wa Jerubaali aighu ya igho jimu. Ela Jothamu, mdawana mtini wa Jerubaali ukasigharika, angu orekuvisireghe.