1 WATHESALONIKE 4:4 - Biblia Ilagho Jiboie Kwa Wandu Wose

⁴ Kula mundu onyu umanye kukaia na mkake moni; kwa wueli na ishima.

1 WATHESALONIKE 4:4 ပူးပေါင်းရင်းမြစ်များ

MABONYO GHA WADUMI 9:15

Ela Bwana ukamzera, “Ghenda, angu uo moni namsaghue ukaie chombo chapo chejidwa irina japo kwa mbari zima, na wazuri, na wandu wa Israeli;

WAROMA 1:24

Kwa huwu Mlungu ukawisighanya na bea ra ngolo rawo wipate kubonya maza ra wuchafu, hata kuvikia kusowiana ishima kwa mimbi yawo weni na weni.

WAROMA 12:1

Kwa huwu wanidu, namvoya kwa wundu ghwa wughoma mungi ghwa Mlungu, muifunye mimbi yenyu ikaie sa kizongona chiko moyo; chielie, chirumirilwagha ni Mlungu; nako niko kutasa konyu kwa loli.

WAROMA 6:19

Niaghora sa wandu wose, kwa wundu ghwa kusowa kutambukilwa konyu. Sa iji koni morefunyireghe via venyu kwa wuchafu, na kubonya wuwiwi ghuchumbie, huwo koni idana muvifunye putu via venyu kubonya hachi kwa wundu ghwa kueleshwa.

1 WAKORINTHO 6:15

Welee, ndemmanyire kukaia mimbi yenyu ni via va Kristo? Nao niwade via va Kristo, nivibonye via va ilaya? Najingi!

1 WAKORINTHO 7:2

Ela kwa kukaia matimo gha wulaki gheko, ni nicha kula mundu ukaie na mkake moni, na kula muka ukaie na mndwawomi wake moni.

1 WAKORINTHO 7:9

Ela wikalemwa ni kukumazira weni, ni nicha wilowuo. Angu ni baa kulowua kuchumba kuaka modo kwa bea.

2 WAKORINTHO 4:7

Ela deko na mali ihi andenyi kodu isi diko sa vombo va wongo; eri rija ndighi mbaa richumbie ripate kuwoneka kukaia ni ra Mlungu, hata si redu ringi anduangi.

WAFILIPI 4:8

Kutua wanidu, maza iro rose riko ra loli, iro rose riko ra ishima, iro rose riko ra hachi, iro rose rielie, iro rose riboie; ikakaia riko ringi ra sare ndicha, ikakaia ghuko wucha ghungi, ikakaia chiko kilambo chingi chifwanagha kukaswa; ririkanyenyi aighu ya maza iro.

WAEBRANIA 13:4

Ndoa ineko ishima ni wandu wose, na awo wilowuane wikaie waloli kula mundu na mmbao; angu Mlungu uchawitanya walaki, na awo wiselagha na waka wa wandu.

1 PETRO 3:7

Huwo koni inyo womi, mkaie na waka wenyu kwa wumboa; mkim'bonyera ishima muka, uo sa mundu uko mnyonge; kwa kukaia moko wangara wa ifwa ja mvono ghwa irangi, malombi ghenyu ghisecheghirilwa.

1 SAMUELI 21:5

Daudi ukatumbulia, “Kwa loli isi dakuwikie kula na waka, sa matuku mazima ghose nidambagha charonyi. Vilambo va awa wana vadakaia vielie, hata ingelo ikaiagha charo cha kawaida tu; welee, ni kuchumba saki idime vilambo vawo kukaia vielie?”