1 TIMOTHEO 5:3 - Biblia Ilagho Jiboie Kwa Wandu Wose

³ Wibonyere ishima waka wakiwa, awo wiko waka wakiwa loli.

1 TIMOTHEO 5:3 ပူးပေါင်းရင်းမြစ်များ

AYUBU 29:13

Mundu orekoghe kaavui na kufwa orenirasimieghe; ngam'bonya muka mkiwa ubore kwa kuboilwa.

AYUBU 31:16

“Jingi simuimie mkiwa kindo chingi orechikundieghe, angu kum'bonya muka-mkiwa ufo ngolo,

ZABURI 146:9

BWANA wadawilindia waghenyi wiko isangenyi kodu; wadawitesia waka wakiwa na wana wakiwa; ela wadainona mipango ya wandu wawiwi.

ZABURI 68:5

Mlungu, uo ukaiagha andenyi ya Hekalu yake, nuo ndee wa wana wakiwa, na mlindiri wa waka wifuilo ni womi.

ZABURI 94:6

Wawibwagha waka wakiwa, na waghenyi, na wana wakiwa.

KUFUMA 20:12

“Kuwineke ishima ndeyo na mayo, matuku ghako ghikaie mengi isangenyi, kuchaanekwa ni BWANA Mlungu wako.

JEREMIA 49:11

Sigha wana wako wisewadie weke ndee, nichawiwika wikaie moyo; na waka wakiwa wako wisuwirie kwapo.”

MATHAYO 15:6

nao huwo kedi ndena haja eneka ndee ishima! Na kwa chia iyo mwaghumenya momu ghwa Mlungu mpate kuwada mizango enyu cheni.

MATHAYO 23:13

“Ni bugha konyu inyo walimu wa Sharia na Mafarisayo, waji-kuwi! Angu mwaghurugha mnyango ghwa Wuzuri ghwa mlungunyi; inyo mmbeni ndemngiagha, na awo wikundagha kungia mwawighiria. [

LUKA 2:37

Orekoghe na miaka mirongo wunyanya na inya, ukikaia muka ufulo ni mumi wake; nao orekoghe usefumagha Hekalunyi, ukitasa na kufunga tumu, na kulomba Mlungu kio na dime.

LUKA 7:12

Nao iji orevikieghe kaavui na mbenge ya muzi, wikakwana na izungu ibaa ja wandu wamduka mundu ufue, nao ni mwana wa ititi wa muka ufulo ni mumi wake.

JOHANE 1:47

Nao iji Jesu wammbona Nathanaeli ukimchea, ukamghora ukighamba, “Wonenyi Muisraeli wa loli, usene wukalo ghungi andenyi kwake anduangi.”

MABONYO GHA WADUMI 6:1

Nao ikakaia matuku agho, iji wanughi werekoghe wikichurikia mtalo ghwawo, Wayahudi wa Kigriki wikawizughunukia Wayahudi wa Kiebrania, wei waka wawo wifulo ni womi ndeweretaliloghe kwa iwaghio ja vindo va ituku ituku.

MABONYO GHA WADUMI 9:39

Petro ukawuka na kughendanya nawo. Nao iji wavika, wikamghenja gorofenyi. Waka wose wifulo ni womi, wikakaia kimusi kaavui nao wikilila, na kummbonyera Petro makoti na nguwo rose Dorkasi oreribonyereghe iji orekoghe moyo.

MABONYO GHA WADUMI 9:41

Petro ukammbwada mkonu ukammbusira. Niko ukawiwanga waeli andwamweri na waka wifulo ni womi, ukamreda kwawo uko moyo.

WUKUMBUSO 10:18

Wadabonya maza riko ra loli kwa wana wakiwa na waka wakiwa, nao wadamkunda mghenyi, na kumneka vindo na nguwo.

WUKUMBUSO 14:29

Mlawi, angu uo usewadie ifungu hata ifwa jingi chiaimweri na oho, na waghenyi wemara-mara, na wana wisewadie weke ndee, na waka wakiwa awo wiko mizinyi konyu wichacha wije na kughuda; eri BWANA Mlungu wako upate kukurasimia kwa kazi rako rose kuribonyagha.

WUKUMBUSO 16:11

M'boilo imbiri ya BWANA Mlungu onyu, chiaimweri na wana wenyu wa womi na wa waka, na wadumiki wenyu wa womi na wa waka, na Mlawi uko mzinyi konyu, na mghenyi omara-mara, na mwana usewadie ndee, na mka mkiwa uko aghadi konyu, andu BWANA ukusaghue kukaie komtasira.

WUKUMBUSO 16:14

M'boilo ndimenyi chiaimweri na wana wenyu wa womi na wa waka, na wadumiki wenyu wa womi na wa waka, na Mlawi, na mghenyi omara-mara, na mwana usewadie ndee, na muka mkiwa; awo wiko mizinyi konyu.

WUKUMBUSO 27:19

“‘Mundu ukailaghasha hachi ya mghenyi omara-mara, angu ya mwana mkiwa, angu ya muka mkiwa, uwado ni njowe.’ Na wandu wose widikie, ‘Amen.’

1 WATHESALONIKE 2:6

Hata ndederelolieghe wubaa kufuma kwa wadamu, ikaiagha ni konyu, angu kwa wandu wazima; hata ngera saki eredimikagha dilawie konyu sa wadumi wa Kristo.

1 TIMOTHEO 5:2

wakeku sa weke mayo, na wai sa wanyinyu wa waka kwa wueli ghose.

JAKOBO 1:27

Dini ielie isewadie wuchafu imbiri ya Mlungu Aba, ni ihi: ni kuwighendia na kuwitesia wana wakiwa, na waka wifuilo ni womi wawo kwa wasi ghwawo, na kukulindia moni uselusho ni wurumwengu.

1 PETRO 2:17

Winekenyi ishima wandu wose. Mghukunde ghuja wumwanidu. Muobuonyi Mlungu, mnekenyi ishima mzuri.

1 PETRO 3:7

Huwo koni inyo womi, mkaie na waka wenyu kwa wumboa; mkim'bonyera ishima muka, uo sa mundu uko mnyonge; kwa kukaia moko wangara wa ifwa ja mvono ghwa irangi, malombi ghenyu ghisecheghirilwa.