1 TIMOTHEO 4:4 - Biblia Ilagho Jiboie Kwa Wandu Wose

⁴ Angu icho chose chiumbilo ni Mlungu chaboie, hata kindo chingi chiselegho, ikakaia chawuswa kwa chawucha;

1 TIMOTHEO 4:4 ပူးပေါင်းရင်းမြစ်များ

KUZOYA 1:31

Mlungu ukazighana kula kilambo uchibonyere, nao ola ukawona vose vaboie na ndighi. Kukakaia nakenyi, kukakaia nakesho, ituku ja karandadu.

MABONYO GHA WADUMI 10:15

Lwaka lukamchea indo ja kawi lukighamba, “Icho Mlungu uchieleshere oho kusechiwange cha wuchafu.”

MABONYO GHA WADUMI 15:29

nagho ni agha: mtane putu na vindo vifunyiro vizongona va milimu, kuja bagha, kuja nyamandu rinyorelo, na kulaka. Mkakutanya na maza iri, mchabonya nicha. Mkaie mana.”

MABONYO GHA WADUMI 21:25

Ela kwa wundu ghwa wandu wa mbari zima wirumirie, isi dawighenjere barua seji deretanyireghe kukaia, wikutanye na vizongona vifunyiro kwa milimu, na bagha, na nyama ra nyamandu rinyorelo, na wulaki.”

WAROMA 14:14

Ini namanya, sena nawona loli andenyi ya Bwana Jesu kukaia ndekuwadie kindo chingi chiseelie kwa asili yake anduangi; ela cheeka chiseelie kwa uo mundu uchigheshagha kukaia ndechielie.

WAROMA 14:20

Msakenona kazi ya Mlungu kwa wundu ghwa vindo. Vindo vose loli vaelie, ela ni ikosa kwa mundu kuwishekeria wazima wikuwe kwa wundu ghwa vindo ujagha.

WAROMA 14:6

Uo ujitalagha ituku wajitala kwa kumneka Bwana ishima. Uo ujagha wori, waja kwa kumneka Bwana ishima, kwa kukaia wamfunyira Mlungu chawucha; na uhu usejagha, wasigha kuja kwa kumneka Bwana ishima; nao wamfunyira Mlungu chawucha.

1 WAKORINTHO 10:23

Vilambo vose vaboie, ela si vose vifwanagha; vilambo vose vafwane, ela si vose viaghagha anduangi.

1 WAKORINTHO 10:25

Jenyi icho chose chiuzwagha sokonyi; msakekotia-kotia kwa wundu ghwa nia.

1 WAKORINTHO 10:26

Angu maandiko ghaghamba, “Ndoenyi ni kwa Bwana, na vose viko andenyi yaro.”

1 WAKORINTHO 10:30

Ikakaia naja ivo vindo kwa kufunya chawucha, kwaki nitanywagha kwa wundu ghwa ivo navifunyira chawucha?

WUKUMBUSO 32:4

“BWANA ni mlindiri onyu uwadie ndighi, chia rake rose ni ra hachi; Mlungu onyu ni mloli na mhachi wadabonya agho ghiko gha loli na hachi.

1 TIMOTHEO 4:3

Wandu awo wichaghiria wandu kulowua, na vindo, navo Mlungu orevibonyereghe viwuso kwa chawucha ni awo wirumiriagha, na kuimanya ija loli.