1 SAMUELI 9:7 - Biblia Ilagho Jiboie Kwa Wandu Wose

⁷ Niko Sauli ukamzera mdumiki wake, “Dikaghenda aho-lee, uo mundu dimdwaia kii, ehoku mkate dikoghe nagho mfukonyi ghwasia, na zawadi ingi emneka uo mundu wa Mlungu ndediwadie; Niki diko nacho?”

1 SAMUELI 9:7 ပူးပေါင်းရင်းမြစ်များ

1 WAZURI 13:7

Mzuri ukamzera mlodi, “Nndoko dighende mzinyi kupate vindo, nani nichakunosa.”

1 WAZURI 14:3

Kumdwaie mikate ikumi, na keki rimu na chupa ya wuki, nao uchakughoria agho ghose ghichaampata uhu mwana.”

2 WAZURI 4:42

Ngelo imu, mndumu ukacha kufuma Baal-shalisha; ukamredia Elisha mikate mirongo iwi ya shairi kufuma kwa mavalo ghake gha imbiri, andwamweri na vanga viwishi va viro mfukonyi kwake. Elisha ukaghamba, “Neka wandu wije.”

2 WAZURI 5:15

Niko Naamani ukawuya kwa Elisha chiaimweri na wandu wake wose; ukacha na kukaia kimusi imbiri yake, ukaghamba, “Ola namanya angu ndeuko Mlungu ungi mzima wurumwengunyi kose, ela kwa Israeli; kwa huwo idana nakulomba kuwuse manosi kufuma kwapo ini mdumiki wako.”

2 WAZURI 5:5

Mzuri wa Siria ukaghamba, “Leka nikuandikie barua, kughende nayo kwa mzuri wa Israeli.” Nao Naamani ukafuma ukaghenda ukadwa vibelele elfu mirongo idadu va feza, na vibelele va dhahabu elfu irandadu, na marwao ikumi.

2 WAZURI 8:8

Nao mzuri ukamzera Hazaeli, “Ghenda kwa mlodi Elisha, kumdwaie iri zawadi; nao kumzere ukotie kwa BWANA maza ra ughu wukongo ngera niboa angu siboagha.”

2 WAZURI 8:9

Niko Hazaeli ukafuma ukidwa iro zawadi, vindo viboie va mbari rose vifumie Dameshki vadukwa ni ngamila mirongo ina. Ukaghenda naro kwa Elisha, ukakaia kimusi mnyangonyi kwake ukighamba, “Mwana wako Ben-hadadi, mzuri wa Siria, waniduma kwako ukikunda kumanya ngera ughu wukongo ghumkira.”

EZEKIELI 13:19

Mwamerie kunilusha aghadi ya wandu wapo kwa wundu ghopata shairi ndinieri na vipande va mkate, nenyo mkawibwagha wandu wiserekoghe wefwa, na kuwisigha awo wandu werekoghe wefwa wikaie moyo, kwa chia ya tee renyu kwa wandu wapo, awo wawuyasikira tee renyu.

WATANYI 6:18

Nakulomba kuseinjike aha hata nameria kukuredia inosi japo.” Ukatumbulia, “Nikaia hata kuwuye.”