1 SAMUELI 9:6 - Biblia Ilagho Jiboie Kwa Wandu Wose

⁶ Ela uja mdumiki ukaghamba, “Ola mundu wa Mlungu umu oko andenyi ya ughu muzi; ni mundu unekelo ishima, na malagho ghose ughoragha ghadawuya gha loli. Nndoko dighende kwake; kewada wadima kudighoria maza ra ichi charo chedu.”

1 SAMUELI 9:6 ပူးပေါင်းရင်းမြစ်များ

KUZOYA 24:42

“Niendavika kiriwenyi idime, nalombieghe sa huwu: ‘Ee BWANA Mlungu wa bwana wapo Abrahamu, ngera kwadaniboisira charo chapo,

2 SAMUELI 15:27

Wokoni mzuri ukamzera mkohani Zadoku, “Ola oho na Abiathari muwuye cha mzinyi kwa sere chiaimweri na wana wenyu wawi, mwana wako Ahimaazi na Jonathani mwana wa Abiathari.

1 WAZURI 13:1

Nao mlodi ukasea kufuma Juda wadumwa ni Mlungu kughenda Betheli. Ukamkua Jeroboamu uko kimusi madhabahunyi ufukire marumba.

2 WAZURI 5:8

Nao iji mlodi Elisha wasikira kukaia mzuri wa Israeli warashua nguwo rake, ukikambwa ni chongo, ukamdumia momu ukighamba, “Kwaki kwakambwa ni chongo? Mleke uche kwapo idana, nao uchamanya kukaia oko mlodi Israeli.”

2 WAZURI 6:6

Elisha, uo mundu wa Mlungu, ukamzera, “Japotokia hao?” Uja mundu ukammbonyera andu kwaro, na Elisha ukadema kamudi, ukakikumba andu kwaro, na isoka jikajoka.

ZABURI 25:12

Umundu umuobuagha BWANA, BWANA uchamfundisha chia imfwanagha kunugha.

ISAYA 44:26

Nadakatisha ilagho ja mdumiki wapo, na kukatisha njama ra wadumwa wapo. Nadazera Jerusalemu, ‘Kuchakailwa ni wandu,’ na mizi ya Juda, ‘Kuchaaghwa na maghacho ghako ghichawusirwa.’

MATHAYO 24:35

Mlungunyi na ndoenyi kuchaida, ela madedo ghapo ndeghichaaida anduangi.

WUKUMBUSO 33:1

Agha ni marasimio uo mundu wa Mlungu Musa oreghifunyireghe kwa wandu wa Israeli imbiri usefue.

1 WATHESALONIKE 2:10

Inyo mo mashahidi, na Mlungu wori ni mshahidi, kukaia tabia edu aghadi konyu inyo warumirii erekoghe ielie, ndicha, na isewadie ikosa jingi;

1 WATHESALONIKE 5:13

Muwitale kwa ishima ibaa na lukundo kwa wundu ghwa kazi yawo. Mkaie na sere mmbeni na mmbeni.

1 TIMOTHEO 6:11

Ela oho mundu wa Mlungu, kuriinjikie na mbai maza iro, kuinughe hachi, kuobua kwa Mlungu, irumirio, lukundo, irumaghio na wumboa.

1 SAMUELI 2:27

Nao mndumu wa Mlungu ukamchea Eli ukamghoria seji BWANA wamzera, “Nerekuwonyereghe ini moni kwa kinyumba cha wawayo Haruni iji werekoghe wazumba wa mzuri aja Misri.

1 SAMUELI 9:8

Uja mdumiki ukamtumbulia Sauli, “Nawadie pesa, kibelele kitinieri cha feza; nichamneka uo mundu wa Mlungu upate kudighoria maza ra chia yedu.”