1 SAMUELI 7:3 - Biblia Ilagho Jiboie Kwa Wandu Wose

³ Niko Samueli ukawizera wandu wa Israeli wose, “Mkamghalukia BWANA kwa ngolo renyu rose, nao muinje milungu ya kighenyi, na ghuja mlungu ghwa waka Ashtorethi aghadi konyu, na kukuwika kwa BWANA putu, eri mpate kumtasa uo moni uekeri, uchamkira msekorongoghe ni Wafilisti.”

1 SAMUELI 7:3 ပူးပေါင်းရင်းမြစ်များ

KUZOYA 35:2

Niko Jakobo ukawizera wandu wose wa nyumbenyi kwake na wose orekwanyeghe nawo, “Ifunyenyi noko milungu ya kighenyi iko aghadi konyu, mukueleshe inyo mmbeni na kughalusa marwao ghenyu;

1 WAZURI 11:33

Kwa kukaia wanisighie ini, ukawoka kutasa Ashtorethi mlungu ghwa waka ghwa Wasidoni, na Kemoshi mlungu ghwa Wamoabu na Milkomu mlungu ghwa Waamoni; nao ndewuebonya agho ghiko gha hachi imbiri kwapo, kwa kuiwadia memu yapo na sharia rapo kara kara na ndee Daudi.

1 WAZURI 8:48

Wikahea kwa akili rawo rose, na kwa ngolo rawo ahoeni isangenyi kwa wamaiza wawo werewidwaeghe wunyika, wikilomba kwa kulangaya isanga korewinekieghe weke wawae, na muzi ugho koreghusaghueghe, na Hekalu niiaghie ekutasira;

2 WAZURI 17:39

ela mumtase BWANA Mlungu onyu, nao uchamkira na mikonu ya wamaiza wenyu wose.”

2 WAZURI 23:15

Sena Mzuri Josia ukakunona aja andu kotasira milimu mighondinyi koreaghiloghe Betheli ni Jeroboamu mwana wa Nebati, uo orewishekerieghe Waisraeli kungia kaung'enyi; ukainona hata madhabahu yake wori, na kubara-bara magho gharo hata ghikawuya teri; ukakora fwana ya ghuja mlungu ghwa waka Ashera.

1 MALAGHO GHA NGELO 22:19

Idana mumlole BWANA Mlungu onyu kwa ngolo renyu na akili renyu rose. Zoyenyi kumuaghia BWANA Mlungu Andu kwa Wueli, eri Sanduku ya Ilaghano ja BWANA na vilambo va wueli va Mlungu vipate kungirwa Hekalunyi iaghilo kwa wundu ghomtasiragha.”

1 MALAGHO GHA NGELO 28:9

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.

2 MALAGHO GHA NGELO 19:3

Elaima sena wucha ghumu ghwawonekie kwako, angu kunonie fwana ra mlungu ghwa waka Ashera isangenyi, na kwawuyamlola Mlungu kwa ngolo.”

2 MALAGHO GHA NGELO 20:33

Elaiama andu kotasira milimu ndekoreinjiroghe; wandu ndeweremghalukieghe Mlungu wa weke ndee kwa ngolo rawo rose.

2 MALAGHO GHA NGELO 30:19

umlolagha Mlungu kwa ngolo; BWANA uo Mlungu wa weke ndee, hata ngera ndenughie sharia rekuelesha ra Andu kwa wueli.”

MAKATANISHO 16:1

Mipango ya ngolonyi ni ya mdamu, ela matumbulio gharo ghadafuma kwa BWANA.

ISAYA 55:7

uo mundu mmbiwi ndeisighe chia yake, na uo useko na hachi usighe maghesho ghake; ndemghalukie BWANA upate kufuilwa wughoma putu. Ndeghaluke cha kwa Mlungu odu, nao uchamfuya wughoma putu.

JEREMIA 24:7

Nichawineka ngolo emanya kukaia ini ne BWANA, nawo wichawuya wandu wapo, nani nichakaia Mlungu wawo, kwa kukaia wichaniwuria kwa ngolo rawo rose.

JEREMIA 36:3

Kewada wandu wa Juda wichasikira agho mawiwi ghose nighambie nichawibonyera, na kewada wadima kughaluka kula umu wawo wihee, nani nipate kuwifuya wughoma wuwiwi ghwawo na kaung'a yawo.”

JEREMIA 4:1

BWANA waghamba, “Iji kwakunda kuwuya, kuwuye kwapo ee Israeli. Kukainja wuchafu ghwa milimu yako niseiwone, nao kukaie kuseghalukagha,

EZEKIELI 14:6

“Kwa huwo, kuwizere wandu wa Israeli kukaia uo Bwana MLUNGU waghamba huwu, Heenyi mghaluke, mfume kwa milimu yenyu, na kuinjikia ugho wuchafu ghonyu ghose.

EZEKIELI 18:31

Sighenyi makosa ghenyu ghose m'bonyere aighu yapo, mmbuse ngolo mbishi na roho mbishi. Kwaki mfwagha ee wandu wa Israeli?

HOSEA 14:1

Ee wandu wa Israeli, wuyenyi kwa BWANA Mlungu onyu, kwa kukaia mookuwishwa ni makosa ghenyu gheni.

MATHAYO 15:8

‘Wandu awa wanibonyere ishima kwa momu ghoni, waghamba Mlungu; ela ngolo rawo reko kula nani.

MATHAYO 4:10

Niko Jesu ukamzera, “Ghenda noko Shetani! Yaandikilo, ‘Kumtase Bwana Mlungu wako, na kumdumikia uo moni uekeri.’”

MATHAYO 6:24

“Mndungi ndedimagha kuwidumikia weke Bwana wawi; kwa kukaia uchazamilwa ni uhu, na kumkunda uja; angu uchakufunya kwa umu, na kummenya uja mzima. Nenyo ndemdimagha kumdumikia Mlungu na mali anduangi.

LUKA 4:8

Jesu ukamzera, “Yaandikilo, ‘Kuchamtasa Bwana Mlungu wako, sena kuchamdumikia uo moni uekeri.’”

JOHANE 4:24

Mlungu ni Roho, na watasi wa loli wichadimishwa kumtasa loli ni Roho wake.”

WUKUMBUSO 10:20

Mumuobuo BWANA Mlungu onyu, mumdumikie na kumaziriana nao, na kubonya ighemi kwa irina jake.

WUKUMBUSO 13:4

Mumnughe BWANA Mlungu onyu na kumuobua; mmbwadie memu yake na kumsikira; na inyo mumtase na kumaziriana nao.

WUKUMBUSO 4:29

Na aeni aho kuko, kuchamlola BWANA Mlungu wako, na kumpata iji kwamlola kwa ngolo yako yose na kwa roho yako yose.

WUKUMBUSO 6:13

Kumuobuo BWANA Mlungu wako, kumdumikie, na kubonya ighemi kwa irina jake.

JOSHUA 13:31

Na wokoni nusu ya Gileadi na Ashtarothi na Edrei, nayo ni mizi mibaa ya wuzuri ghwa Ogu ghuko Bashani. Masanga agha ghose gherenekeloghe nusu ya kichuku cha Makiri mwana wa Manase kunughana na nyumba rawo.

JOSHUA 24:14

Joshua ukachuria kughora, “Idana mumneke ishima na kumdumikia BWANA kwa ngolo na kwa wuloli, muinje nambai milungu ya weke ndeyo wereidumikieghe aho Mesopotamia na Misri, mpate kumdumikia BWANA.

JOSHUA 24:23

Ukawizera, “Basi injenyi milungu yenyu ya kighenyi iko aghadi konyu, na kukufunya kwa BWANA Mlungu wa Israeli kwa ngolo renyu.”

WATANYI 10:16

Wikainja milungu ya kighenyi kufuma kwawo, wikamdumikia BWANA; nao ukawawa kwa wundu ghwa wasi ghwa Waisraeli.

WATANYI 10:6

Wandu wa Israeli wikam'bonyera BWANA kaung'a sena; wikawidumikia weke Baali na Ashtarothi, chiaimweri na milungu ya Siria, na Sidoni, ya Moabu na ya Waamoni, na milungu ya Wafilisti, wikamsigha BWANA hata ndeweremdumikieghe anduangi.

WATANYI 2:11

Niko wandu wa Israeli wikam'bonyera BWANA kaung'a, wikawoka kudumikia weke Baali.

WATANYI 2:13

Wikasigha kumtasa BWANA, na kuidumikia milungu mizima, weke Baali na Maashtorethi.

1 SAMUELI 31:10

Wikawika maswagha ghake andenyi ya Hekalu ya mlungu ghwa waka Ashtorethi, na mumbi ghwake wikaghuwamba wurighenyi ghwa Beth-shani.