1 SAMUELI 7:17 - Biblia Ilagho Jiboie Kwa Wandu Wose

¹⁷ Konyuma orekoghe ukiwuya Rama, angu niko muzi ghwake ghokaia ghorekoghe; na aho wokoni ukakaia ukiwitanya Waisraeli, ukamuaghia BWANA madhabahu aho.

1 SAMUELI 7:17 ပူးပေါင်းရင်းမြစ်များ

KUZOYA 33:20

Ukaagha madhabahu ukaghiwanga irina jake El-Elohe-Israeli.

KUZOYA 35:7

Niko aho ukaagha madhabahu, ukakuwanga andu aho El-betheli, kwa kukaia Mlungu orekufunukueghe moni kwake iji orekoghe ukimkimbia mruna.

ISAYA 10:29

Wameria kuida iruwukonyi, wiendelala Geba, na wandu wa Rama wiasughusika kwa wowa; wandu wa Gibea, ugho muzi ghwa Sauli, wameria kukimbia.

WATANYI 4:5

Orekoghe ukisea kidombo aisi ya mtende ghwake ghadi na ghadi ya Rama na Betheli andenyi ya isanga ja mghondinyi ja Efraimu; na wandu wa Israeli wikakaia wikicha upate kuwitanya.

WATANYI 6:24

Nao Gideoni ukamuaghia BWANA madhabahu aho na kuiwanga, “Bwana nuo sere.” “Nayo yaduagha aho Ofra ya Wabiezeri hata linu.”

1 SAMUELI 1:1

Korekoghe na mndumu uwangwaghwa Elkana, wa kichuku cha Efraimu, mundu wa isanga ja mighondinyi ja Efraimu, orekoghe ukikaia muzi ghwa Rama; nao ni mwana wa Jerohamu wawae Elihu mwana wa Tohu wawae Zufu.

1 SAMUELI 1:19

Ituku ja kawi, Elkana na wandu wake wikawuka kokesho kio, wikamtasa BWANA na kuwuya cha mzinyi kwawo Rama. Nao ukammanya mkake Hana, na BWANA ukakumbuka malombi gha uo muka;

1 SAMUELI 11:15

Nao wandu wose wikaghenda Gilgali, wikam'bonya Sauli ukaie mzuri imbiri ya BWANA; wikafunya vizongona va mapatano kwa BWANA, Sauli na wandu wose wa Israeli wikaboilwa na ndighi.

1 SAMUELI 14:35

Sauli ukamuaghia BWANA madhabahu, nayo erekoghe madhabahu yake ya imbiri oremuaghieghe BWANA.

1 SAMUELI 15:34

Nao Samueli ukaghala cha Rama, na Sauli ukaghala cha nyumbenyi kwake aja Gibea.

1 SAMUELI 2:11

Niko Elkana ukawuya cha mzinyi kwake Rama, na uja mwana Samueli ukasighwa ukimdumikia BWANA aisi ya mkohani Eli.

1 SAMUELI 28:3

Samueli orekoghe wameria kufwa, na Waisraeli wose werekoghe wamlilia na kumrika aho Rama, mzinyi kwake koni. Sauli orekoghe wawiinja walaghui wose na wasawi isangenyi.

1 SAMUELI 8:4

Niko wabaa wose wa Israeli wikakwanyika chiaimweri na kumghendia Samueli aja Rama;

1 SAMUELI 9:12

Wikatumbulia, “Oko aeni; ola hoja naimbiri konyu. Shashirenyi, waacha mzinyi idakoni; kwa kukaia wandu wiafunya kizongona andu kotasira mghondinyi idime.