1 SAMUELI 7:1 - Biblia Ilagho Jiboie Kwa Wandu Wose

¹ Niko wandu wa Kiriath-jearimu wikaghenda na kuionda Sanduku ya Ilaghano ya BWANA, wikaiwika nyumbenyi kwa Abinadabu ukaiagha mghondinyi, wikammbika mwana wake Eleazari ukaie mlindiri wa iyo Sanduku ya BWANA.

1 SAMUELI 7:1 ပူးပေါင်းရင်းမြစ်များ

1 MALAGHO GHA NGELO 13:3

Nao diiwunje kodu iyo Sanduku ya Mlungu; angu dereisighieghe kisha ingelo Sauli orekoghe mzuri.”

ZABURI 132:6

Dasikire malagho gha Sanduku ya Ilaghano diko Bethlehemu, dikaaiwonia mlambenyi ghwa Jearimu.

ISAYA 52:11

Fumenyi, mfume Babuloni mghende noko, mseadade kindo chingi chiseelie; fumenyi aghadi kwake mkueleshe mmbeni; inyo mmbose muvidwagha vilambo va BWANA.

JOSHUA 18:14

Mpaka ghukaghaluka chia zima cha kusinyi kufuma magharibi ya ugho mghondi ghuko cha kusinyi kulangaya Beth-horoni, na kutua Kiriath-jearimu iko ya mbari ya Juda. Ugho ghorekoghe ni mpaka ghwa chia ya magharibi.

JOSHUA 9:17

Waisraeli wikazoya kuwighendia, hata nyuma ya matuku adadu, wikavikia mizi ya awo wandu; Gibeoni, Kefira, Beerothi na Kiriath-jearimu.

1 SAMUELI 6:21

Niko wikaduma wandu Kiriath-jearimu wikighamba, “Wafilisti wawunja Sanduku ya Ilaghano; choonyi muionde.”

1 SAMUELI 7:2

Kufuma ngelo iyo, Sanduku ya Ilaghano ya BWANA ikakaia Kiriath-jearimu kwa miaka mirongo iwi. Waisraeli wose wikakaia wikimlilia BWANA.