1 SAMUELI 6:9 - Biblia Ilagho Jiboie Kwa Wandu Wose

⁹ Mkaie mkizighanira; jikakaghenjwa cha isanga ja mzawo Beth-shemeshi, dichamanya kukaia ni Mlungu wa Israeli wadibonya iri maza rizamie redinona; na ikakaia jaghenjwa chia zima, wokoni dichamanya kukaia suo ungi wadikaba, ela ni malagho tu ghadichea.”

1 SAMUELI 6:9 ပူးပေါင်းရင်းမြစ်များ

2 SAMUELI 1:6

Uja mundu ukamzera, “Nerekoghe nacha aighu ya Mghondi ghwa Gilboa kwa bahati, na aho ngammbona Sauli ukikusaghika na ifumu jake; na magare na wajoki farasi werekoghe wikimnugha kaavui.

1 WAZURI 4:9

Bendekeri wa isanga ja Makazi, Shaalbimu, Beth-shemeshi, na Eloni-beth-hanani;

2 MALAGHO GHA NGELO 25:21

Kwa huwo Joashi mzuri wa Israeli ukajoka, nao ukazoya wuda na Amazia mzuri wa Juda andu kuwangwagha Beth-shemeshi andenyi ya Juda.

KUFUMA 8:15

Ela iji Farao orewonieghe angu maza rakaia baa, ukaikurisha ngolo yake sa iji koni BWANA oreghorieghe; hata nderewisikireghe Musa na Haruni anduangi.

MCHILI 9:11

Sena nawonie andenyi ya wurumwengu ughu kukaia, wandu wa iseghe ibaa siwo wangi wisimagha misarigho ngelo rose, na mang'oni sigho ghangi wisimagha wudenyi ngelo rose. Wandu wa hikima ndewipatagha vindo ngelo rose, na wandu wa suku ndewipatagha mali ngelo rose, hata si awo wiko na wuya witalikagha kuchumba anduangi; ela kula mundu wadakwana na mzwana ghwake.

ISAYA 26:11

Mkonu ghwako ghwawusirwa ighu ghukabe ee BWANA, ela ndewighuwonagha. Ndewiwone kufunga ndighi kwako kwa wundu ghwa wandu wako, wipate kufwa waya. Modo ghuwikilo kwa wundu ghwa wamaiza wako, ndeghuwimerie.

AMOSI 3:6

Tarumbeta yadima kukabwa mzinyi nao wandu wilemo ni kuobua? Welee wuwiwi ghwadima kungia mzinyi ghuselaghirilo ni BWANA?

LUKA 10:31

Nao mkohani umu ukasea ukimaria ija chia, hata iji wammbona, ukaida chia na mbai,

JOSHUA 15:10

Ghukamara cha magharibi ya Baala kulangaya cha isanga ja mighondinyi ya Edomu, na kughenda cha kaskazinyi ya Mghondi ghwa Jearimu (nigho Kesaloni), ghukasea nokoisi cha Beth-shemeshi kuidiria Timna.

JOSHUA 21:16

Aini na mlamba ghwaro gholishira, Juta, na mlamba ghwaro gholishira, Beth-shemeshi na mlamba ghwaro gholishira; mizi ikenda ifumie kwa ivo vichuku viwi va Simeoni na Juda.

1 SAMUELI 6:10

Nao wikabonya sa iji koni werelaghiriloghe, wikawada ng'ombe iwi rawuyakamwa wikaringira ghongolo na kuifunganya na igare; wikarughia ngache rawo mzinyi.

1 SAMUELI 6:12

Iro ng'ombe rikawada chia eghenda Beth-shemeshi, iyo chia mbaa, rikaghenda rikidoka; nderereghalukieghe mkonu ghwa kiwomi angu ghwa kiwaka, na wabaa wa Wafilisti wikarinugha hata mpakenyi ghwa Beth-shemeshi.

1 SAMUELI 6:3

“Mkakawunja ihi Sanduku ya Mlungu wa Israeli mseiwunje duu, ela kwa ivo vose mumghenjere na mafunyo gha kizongona kwa wundu ghwa kaung'a; niko mchaboa na kumanya sababu ra BWANA kumkaba huwo.”