1 SAMUELI 6:4 - Biblia Ilagho Jiboie Kwa Wandu Wose

⁴ Wikakotia, “Icho kizongona kwa wundu ghwa kaung'a dimuenjeragha ni chiao?” Wikatumbulia, “Fwana ra mbama isanu ra dhahabu, na fwana ra mbewa isanu ra dhahabu, kunughana na mtalo ghwa wabaa wa Wafilisti; kwa kukaia agho makabo ghedempata inyo chiaimweri na wabaa wenyu.

1 SAMUELI 6:4 ပူးပေါင်းရင်းမြစ်များ

KUFUMA 12:35

Wokoni, wandu wa Israeli werekoghe wabonya sa iji koni Musa orewizerieghe; wikalomba kwa Wamisri vilambo va lulu, feza, dhahabu, na nguwo.

JOSHUA 13:3

chiaimweri na masanga gha Waavi noko cha kusinyi. (Isanga jifumagha kamoda ka Shihori, mpakenyi ghwa Misri kughenda noko cha kaskazinyi hata mpakenyi ghwa Ekroni jadatalwa kukaia ni ja Wakanaani. Awo wazuri wa Wafilisti werekoghe wikikaia mizi ya Gaza, Ashdodi, Ashkeloni, Gathi, na Ekroni;)

WATANYI 14:19

Nao Roho wa BWANA ukamseria aighu yake kwa ndighi ukasea Ashkeloni na kuwibwagha wandu mirongo idadu, wa ugho muzi, ukawisoka vilambo vawo, na kuwineka marwao gha karamu waja wandu wereitambueghe ija ndawi. Nao ukaghala cha kwa ndee uko na machu mabaa.

WATANYI 3:3

Iro mbari reresigharikieghe isangenyi ni wabaa wasanu wa Wafilisti, Wakanaani wose, Wasidoni, na Wahivi awo werekoghe wikikaia mighondi ya Lebanoni, kufuma Mghondi ghwa Baal-herimoni, hata Mbenge ya Hamathi.

1 SAMUELI 5:12

awo wiserefueghe, orewikabieghe kwa mbama; hata kililo chawo chikajoka mlungunyi.

1 SAMUELI 5:6

BWANA ukawikaba wandu wa Ashdodi na wandu wiko mbai mbai kwa mbama, ukawikambira chongo.

1 SAMUELI 5:9

Ela nyuma ya kuireda iyo Sanduku aho, BWANA ukazoya kughukaba ugho muzi na kuwibonya wandu wikaie na wowa; ukawitirira wandu watini na wabaa kwa kubukwa ni mbama.

1 SAMUELI 6:5

Kwa huwo ni suti m'bonye fwana ra mbama renyu na fwana ra mbewa renyu iro rawuyanona isanga, nao mumneke Mlungu wa Israeli wubaa, aho kewada wadima kuleka kumkaba inyo, na milungu yenyu, na isanga jenyu.

1 SAMUELI 6:8

nao mmbwade iyo Sanduku ya BWANA na kuiwika igarenyi, na iro fwana ra dhahabu mumghenjeragha rikaie mafunyo gha kizongona kwa wundu ghwa kaung'a, murikumbirie andenyi ya isanduku na kujiwika luwarunyi lwa Sanduku ya BWANA; nao mzoye kujighenjesha igare na kujisigha jighende jiekeri.