1 SAMUELI 6:3 - Biblia Ilagho Jiboie Kwa Wandu Wose

³ “Mkakawunja ihi Sanduku ya Mlungu wa Israeli mseiwunje duu, ela kwa ivo vose mumghenjere na mafunyo gha kizongona kwa wundu ghwa kaung'a; niko mchaboa na kumanya sababu ra BWANA kumkaba huwo.”

1 SAMUELI 6:3 ပူးပေါင်းရင်းမြစ်များ

AYUBU 10:2

Nichamzera Mlungu: Kusakenitanya kukaia mkosi; nighorie nabonyere kaung'aki?

KUFUMA 23:15

Mori ghwa Abibu, ugho korefumieghe Misri, kunibonyere Ndima ya Mikate Isewadie Chachu, seji nerekulaghirieghe. Kuseje mkate ghungi ghuko na chachu ngelo ya ndima iyo kwa matuku mfungade. Mndungi useche kunitasa usedwae mafunyo.

KUFUMA 34:20

ela mvalwa wa imbiri wa punda, kuchamkombua na mwana wa ng'ondi. Iji kusemkombue, kumchikanye singo yake na kum'bwagha. Wana wako wa womi wa imbiri kuchawikombua. “Mndungi useche kwapo usedwae ifunyo.

KUFUMA 8:15

Ela iji Farao orewonieghe angu maza rakaia baa, ukaikurisha ngolo yake sa iji koni BWANA oreghorieghe; hata nderewisikireghe Musa na Haruni anduangi.

WALAWI 5:6

nao uchafunya kizongona kwa BWANA kwa wundu ghwa iyo kaung'a oreibonyereghe. Uchafunya kufuma chaghenyi ng'ondi angu mburi ya waka ikaie kizongona kwa wundu ghwa kaung'a; na mkohani uchabonya mapatano kwa wundu ghwa kaung'a yake.

WALAWI 6:6

Nao uchareda bauru iseko na itiko, ikaie kizongona kwa wundu ghwa makosa ghake kwa BWANA, na oho kuchabonya ighuri jaro kunughana na ighuri ja agho matuku.

WUKUMBUSO 16:16

“Wandu wenyu wose wa womi wichaghenda kumtasa BWANA Mlungu onyu mando adadu kwa mwaka, andu BWANA uchaakusaghua. Ngelo ya Ndima ya Mikate isewadie Chachu, na ngelo ya Ndima ya Makuwido, na ngelo ya Ndima ya Viwanda. Wiseghende kumtasa BWANA mikonu miduu.

1 SAMUELI 5:11

Niko wikawikwanya wabaa wose wa Wafilisti wikaghamba, “Wunjenyi ihi Sanduku ya Mlungu wa Waisraeli noko andu koni erekoghe, isechedibwagha isi diwose.” Kwa kukaia muzi ghose wandu werekoghe wikiobua kifwa; na Mlungu orekoghe wawikaba wandu aho loli loli;

1 SAMUELI 5:7

Hata iji wandu wa Ashdodi wawona maza iro wikaghamba, “Ihi Sanduku ya Mlungu wa Waisraeli isekaie kodu, angu wadikaba chiaimweri na mlungu ghodu Dagoni.”

1 SAMUELI 5:9

Ela nyuma ya kuireda iyo Sanduku aho, BWANA ukazoya kughukaba ugho muzi na kuwibonya wandu wikaie na wowa; ukawitirira wandu watini na wabaa kwa kubukwa ni mbama.

1 SAMUELI 6:8

nao mmbwade iyo Sanduku ya BWANA na kuiwika igarenyi, na iro fwana ra dhahabu mumghenjeragha rikaie mafunyo gha kizongona kwa wundu ghwa kaung'a, murikumbirie andenyi ya isanduku na kujiwika luwarunyi lwa Sanduku ya BWANA; nao mzoye kujighenjesha igare na kujisigha jighende jiekeri.

1 SAMUELI 6:9

Mkaie mkizighanira; jikakaghenjwa cha isanga ja mzawo Beth-shemeshi, dichamanya kukaia ni Mlungu wa Israeli wadibonya iri maza rizamie redinona; na ikakaia jaghenjwa chia zima, wokoni dichamanya kukaia suo ungi wadikaba, ela ni malagho tu ghadichea.”