1 SAMUELI 6:2 - Biblia Ilagho Jiboie Kwa Wandu Wose

² Wafilisti wikawiwanga wakohani na walaghui wikawizera, “Dibonya wada na ihi Sanduku ya BWANA? Diiwunjanya naki andu kwaro? Dighorienyi?” Wikaghamba,

1 SAMUELI 6:2 ပူးပေါင်းရင်းမြစ်များ

KUZOYA 41:8

Nakesho yaro ukaja wasi loli-loli, ukaduma waghanga wose wa Misri, na wandu wa akili wose wiwango. Mzuri ukawighoria ndodo rake, ela ndekorewonekieghe ungi omtambushira anduangi.

KUFUMA 7:11

Niko Farao ukawiwanga wandu wake wa akili na wasawi, na awo waghanga wa Misri wikabonya wokoni kwa wuya ghwa akili rawo.

ISAYA 2:6

Oho kwawisighie wandu wako ee Mlungu, icho kivalwa cha Jakobo; Kwa kukaia wachulwa ni wulaghui sa wandu wa mashariki, na sa Wafilisti, sena wabonya wungara na waghenyi.

DANIELI 2:2

Nao mzuri ukafunya momu wasawi, na waghanga, na walaghui, na Wababuloni wiwango, wipate kumghoria mzuri iro ndodo rake. Wikacha na kukaia kimusi imbiri kwake.

DANIELI 5:7

Mzuri ukakema kwa lwaka; ukalomba wasawi, na Wababuloni, na wamanyi wa nyerinyeri wiredo. Ukawizera wandu wa hikima wa Babuloni, “Mundu uo ose uchaashoma maandiko agha, na kunighoria kutambushira kwaro, ucharushwa marwao gha zambarau, na kungirwa mkufu ghwa dhahabu singonyi kwake; nao uchakaia mundu wa kadadu kwa wuzuri ghwapo.”

MATHAYO 2:4

Niko ukawiwanga wakohani wabaa na walimu wa Sharia ukawikotia, “Welee, Masiha uvailwa hao?”

1 SAMUELI 5:8

Nao wikawidumia wabaa wose wa Wafilisti, wikakwana chiaimweri wikaghamba, “Dibonya wada na Sanduku ya Mlungu wa Israeli?” Wikatumbulia, “Iyo Sanduku ya Mlungu wa Israeli ndeighenjo Gathi.” Niko wikaireda iyo Sanduku ya Mlungu wa Israeli aho.

1 SAMUELI 6:1

Sanduku ya BWANA erekaieghe isangenyi ja Wafilisti kwa meri mfungade.