1 SAMUELI 6:19 - Biblia Ilagho Jiboie Kwa Wandu Wose

¹⁹ BWANA ukawibwagha wandu mirongo mfungade wa Beth-shemeshi, angu werezighanireghe andenyi ya iyo Sanduku ya BWANA. Wandu wikalila kwa kukaia BWANA orewibwaghieghe wandu wengi aghadi yawo.

1 SAMUELI 6:19 ပူးပေါင်းရင်းမြစ်များ

2 SAMUELI 6:7

BWANA ukajokwa ni machu aighu ya Uza; na Mlungu ukamkaba angu oreidadireghe Sanduku ya Ilaghano ja BWANA, nao ukafwa ahoeni mbai na mbai ya Sanduku ya Mlungu.

2 MALAGHO GHA NGELO 25:21

Kwa huwo Joashi mzuri wa Israeli ukajoka, nao ukazoya wuda na Amazia mzuri wa Juda andu kuwangwagha Beth-shemeshi andenyi ya Juda.

KUFUMA 19:21

Niko BWANA ukamzera, “Sea kuwighorie wandu wiseide mwano wei wiachamzighana BWANA, na wengi wawo wichefwa.

KUFUMA 33:4

Wandu wiendasikira agho malagho ghizamie, wikalila kwa wasi, hata ndewererwaeghe mapambo gha zoghori anduangi.

MITALO 1:51

Iyo Hema ikakadukwa, Walawi niwo wiikuagha; na sena ikakawikirilwa, niwo weni wiidungagha. Mndungi mzima ukaisoghodera uchabwaghwa.

MITALO 4:15

Hata iji Haruni na wana wake wameria kufinikira Andu kwa Wueli na vilambo varo, niko wana wa Kohathi wichacha na kuviduka ngelo kambi yakahamishwa; ela wiseadade ivo vilambo vieleshero, wichefwa. Ivo nivo vilambo va Hema ekwania vichaakaia vikidukwa ni wana wa Kohathi.

MITALO 4:18

“Msakesigha nyumba ra kichuku cha kivalwa cha Kohathi ritotesho aghadi ya Walawi;

MITALO 4:20

ela wisengie andenyi hata kutini kuzighana ivo vilambo vieleshero; wichefwa.”

WUKUMBUSO 29:29

“Iro maza rivisikie ni ra BWANA Mlungu odu; ela iro rifunukulo, ni redu na wana wedu kwa kala na kala; eri dipate kubonya maza rose ra sharia ihi.

WAKOLOSAI 2:18

Mndungi usakemtanya kwa kuzitiria malagho ghake gha wundu ghwa kukusera, na kutasa weke malaika, ukikusaghika aighu ya kuwona mawono, na kukujosa duu kwa maririkanyo ghake gha kimmbi;

1 PETRO 4:17

Angu ngelo yavika kutanywa kuzoe, nako kuazoya kwa wandu wa Mlungu weni; na ikakaia kwazoya nesi, kutua kwaro wandu wisesikiragha ijo Ilagho Jiboie ja Mlungu-lee, kuchakaia wada?