1 SAMUELI 6:17 - Biblia Ilagho Jiboie Kwa Wandu Wose

¹⁷ Fwana ra dhahabu rerefunyiroghe ni Wafilisti kulipia wuwiwi ghwawo kwa BWANA niro iri: fwana imweri kwa wundu ghwa Ashdodi, na imu kwa wundu ghwa Gaza, na imu kwa wundu ghwa Ashkeloni, na imu kwa wundu ghwa Gathi, na imu kwa wundu ghwa Ekroni.

1 SAMUELI 6:17 ပူးပေါင်းရင်းမြစ်များ

2 SAMUELI 1:20

Mseghorie wandu wa Gathi agha malagho, hata mseghighore chienyi ra Ashkeloni. Wai wa Wafilisti wicheboilwa; wai wa wandu wiseshamishiro wichekujosa.

2 SAMUELI 21:22

Awa bana werekoghe kivalwa cha majitu gha Gathi, wikabwaghwa ni Daudi, na wandu wake.

2 WAZURI 1:2

Mzuri Ahazia ukapotoka kufuma idirishenyi ja chumba cha ngome yake gorofenyi aja Samaria, ukashoghonoka; ukaduma wandu wikotie Baalzebubu, mlungu ghwa Ekroni ngera uboa.

2 MALAGHO GHA NGELO 26:6

Ukafuma, ukabonya wuda na Wafilisti, ukavuchua wurigha ghwa Gathi, na wurigha ghwa Jabne, na wurigha ghwa Ashdodi na andu kuzima aghadi ya Wafilisti.

JEREMIA 25:20

na wandu wose wa kighenyi wiko aghadi kwawo, wazuri wose wa isanga ja Uzi na wazuri wose wa isanga ja Wafilisti (Ashkeloni, Gaza, Ekroni, na masighariko gha wandu wa Ashdodi);

WALAWI 5:7

“Ela ikakaia ndedimagha kupata mwana wa ng'ondi uchareda kwa BWANA vana viwi va mbughi angu maringo awi kukaia kizongona kwa wundu ghwa kaung'a yake; imu ikaie kizongona kwa wundu ghwa kaung'a, na imu kwa wundu ghwa kizongona chekora.

AMOSI 1:6

BWANA waghamba, “Wandu wa Gaza wabonyere kaung'a sena na sena; kwa wundu ugho nichawikaba. Wadwae mbari yose wunyika, na kuwiuza kwa wandu wa Edomu wikaie wazumba.

AMOSI 6:2

Marenyi muzi ghwa Kalno mzighane mmbone; na kufuma aho mghende ghuja muzi m'baa ghwa Hamathi; sena muide msee hata Gathi, muzi ghwa Wafilisti. Welee, weko nicha kuchumba agha mawuzuri gha Juda na Israeli? Angu, weko na isanga ibaa kuchumba jenyu?

WUKUMBUSO 28:27

BWANA uchakubonya kubuko ni mbama sa iji orewikabieghe Wamisri, na kubukwa ni vonda, na fwali, na kukusuwa kusedimagha kuboa.

WATANYI 1:18

Wokoni Juda ukawada Gaza, Ashkeloni, na Ekroni chiaimweri na mipaka yawo.

WATANYI 14:19

Nao Roho wa BWANA ukamseria aighu yake kwa ndighi ukasea Ashkeloni na kuwibwagha wandu mirongo idadu, wa ugho muzi, ukawisoka vilambo vawo, na kuwineka marwao gha karamu waja wandu wereitambueghe ija ndawi. Nao ukaghala cha kwa ndee uko na machu mabaa.

WATANYI 16:1

Samsoni ukaghenda cha Gaza; ukawona ilaya aho, ukangia kwake.

WATANYI 16:21

Wafilisti wikambwada na kumfunya meso, wikamreda Gaza, wikamfunga kwa vifungo va shaba, ukakaia ukisha ngano mtambonyi andenyi kifungonyi.

1 SAMUELI 5:1

Nyuma ya Wafilisti kuwada Sanduku ya Mlungu, wikaidwa kufuma Ebenezeri hata Ashdodi.

1 SAMUELI 5:10

Niko wikaighenja iyo Sanduku ya Mlungu Ekroni. Ela iji Sanduku ya Mlungu ereredeloghe Ekroni, wandu wa Ekroni wikakema wikighamba, “Wareda iyo Sanduku ya Mlungu wa Israeli wipate kudibwagha isi diwose.”

1 SAMUELI 5:8

Nao wikawidumia wabaa wose wa Wafilisti, wikakwana chiaimweri wikaghamba, “Dibonya wada na Sanduku ya Mlungu wa Israeli?” Wikatumbulia, “Iyo Sanduku ya Mlungu wa Israeli ndeighenjo Gathi.” Niko wikaireda iyo Sanduku ya Mlungu wa Israeli aho.

1 SAMUELI 6:4

Wikakotia, “Icho kizongona kwa wundu ghwa kaung'a dimuenjeragha ni chiao?” Wikatumbulia, “Fwana ra mbama isanu ra dhahabu, na fwana ra mbewa isanu ra dhahabu, kunughana na mtalo ghwa wabaa wa Wafilisti; kwa kukaia agho makabo ghedempata inyo chiaimweri na wabaa wenyu.