1 SAMUELI 6:14 - Biblia Ilagho Jiboie Kwa Wandu Wose

¹⁴ Ijo igare jikacha hata mbuwenyi kwa Joshua mundu wa Beth-shemeshi; na iro ng'ombe rikadunga maghu aho. Korekoghe na igho ibaa aho; niko wikabara mbande ra midi ya ijo igare, wikafunya iro ng'ombe rikaie kizongona chekora kwa BWANA.

1 SAMUELI 6:14 ပူးပေါင်းရင်းမြစ်များ

2 SAMUELI 24:18

Ituku ijo jeni Gadi ukamghendia Daudi ukamzera, “Joka aja wazenyi eelia viro ya Arauna, Mjebusi; kumuaghie BWANA madhabahu.”

2 SAMUELI 24:22

Arauna ukamzera Daudi, “Wusa BWANA wapo mzuri, kufunye seji kuwonagha nicha kumoni. Ng'ombe refunya kizongona chekora heri, na midi echana viro na ghongolo ra ng'ombe wori kwa wundu ghwa mbande.”

2 SAMUELI 24:25

Daudi ukamuaghia BWANA madhabahu aho, ukafunya vizongona vekora na vizongona va mapatano. BWANA ukasikira uko kuvoya kubonyero kwa wundu ghwa isanga, na iyo saka ikainjwa kwa Israeli.

1 WAZURI 19:21

Elisha ukawuya; ukawada rija ng'ombe na kuribwagha. Ukadeka nyama raro na ija midi ya ghongolo rawo, ukawineka wandu wikaja. Ukawuka ukamnugha Elija na kumdumikia.

KUFUMA 20:24

Kuaghe madhabahu gha ndoe kwa wundu ghwapo, kufunye vizongona vako vekora na vizongona vako va mapatano aighu yaro, ng'ondi rako na ng'ombe rako, andu kose nichaabonya irina japo jighoro; nani nichacha na kumrasimia.

WATANYI 21:4

Na nakesho yaro, wikawuka kokesho kio, wikaagha madhabahu aho, na kufunya vizongona vekora na vizongona va mapatano.

WATANYI 6:26

Kumuaghie BWANA Mlungu wako madhabahu andu kwa ighu kwa magho seji ifwane; nao kuwade ija njau ya kawi kuifunye ikaie kizongona chekora na iro mbande ra Ashera uo kwamchikanya.”

1 SAMUELI 11:5

Ahoeni Sauli orekoghe ukicha na ng'ombe rake kufuma mbuwenyi; ukakotia, “Wandu wawonaki wililagha huwu?” Nao wikammanyisha agho malagho gharedwa ni wandu wa Jabeshi.

1 SAMUELI 20:29

angu oreghambieghe wei, ‘Tafadhali nneke rusa nighende, kwa kukaia wandu wa kinyumba cha kedu wawuyafunya kizongona mzinyi, na mwanidu wanilomba nikaie aeni. Kwa huwo, iji kwaniwona kukaia mucha mesonyi kwako, nisighe niendewonana na wanidu.’ Iyo niyo sababu usewonekie vindonyi kwa mzuri.”

1 SAMUELI 6:13

Wandu wa Beth-shemeshi werekoghe wikikuwida ngano yawo vololonyi; hata iji wawusira meso ghawo na kuwona iyo Sanduku wikaboilwa.

1 SAMUELI 6:18

Na wokoni fwana ra mbewa ra dhahabu, kunughana na mizi yose ya wabaa wasanu wa Wafilisti; mizi mibaa iaghilo na ngome, na iyo mitini isene wurigha. Ijo igho ibaa werejiwikirieghe iyo Sanduku ya BWANA, jiko mbuwenyi kwa Joshua wa Beth-shemeshi, ni wushuhuda ghwa iro maza hata linu.