1 SAMUELI 5:9 - Biblia Ilagho Jiboie Kwa Wandu Wose

⁹ Ela nyuma ya kuireda iyo Sanduku aho, BWANA ukazoya kughukaba ugho muzi na kuwibonya wandu wikaie na wowa; ukawitirira wandu watini na wabaa kwa kubukwa ni mbama.

1 SAMUELI 5:9 ပူးပေါင်းရင်းမြစ်များ

ZABURI 78:66

Nao ukawiwinga wamaiza wake na kuwisima, ukawifusha waya kwa kala na kala.

AMOSI 5:19

jeeka seji mundu uikimbiagha shimba nao ukwane na kibarabara angu seji mundu ungiagha nyumbenyi, nao eukusaghikagha na wurigha, ulumo ni choka.

WUKUMBUSO 2:15

Na loli BWANA orekoghe ukilwa nawo kambinyi, hata ukameria kuwitotesha putu.

1 SAMUELI 12:15

Ela mkalegha kumsikira BWANA, na kurilegha sharia rake, niko BWANA uchaamlegha inyo chiaimweri na mzuri onyu.

1 SAMUELI 5:10

Niko wikaighenja iyo Sanduku ya Mlungu Ekroni. Ela iji Sanduku ya Mlungu ereredeloghe Ekroni, wandu wa Ekroni wikakema wikighamba, “Wareda iyo Sanduku ya Mlungu wa Israeli wipate kudibwagha isi diwose.”

1 SAMUELI 5:11

Niko wikawikwanya wabaa wose wa Wafilisti wikaghamba, “Wunjenyi ihi Sanduku ya Mlungu wa Waisraeli noko andu koni erekoghe, isechedibwagha isi diwose.” Kwa kukaia muzi ghose wandu werekoghe wikiobua kifwa; na Mlungu orekoghe wawikaba wandu aho loli loli;

1 SAMUELI 5:6

BWANA ukawikaba wandu wa Ashdodi na wandu wiko mbai mbai kwa mbama, ukawikambira chongo.

1 SAMUELI 6:11

Wikajosa Sanduku ya BWANA igarenyi, na ijo isanduku jerekoghe na fwana ra mbewa ra dhahabu na fwana ra mbama rawo.

1 SAMUELI 7:13

Kwa huwo Wafilisti wikasimwa ni Waisraeli, hata ndewerewurieghe kungia andenyi ya mano ya Israeli sena. BWANA ukawineka Waisraeli wusimi aighu ya Wafilisti matuku ghose gha Samueli.