1 SAMUELI 5:10 - Biblia Ilagho Jiboie Kwa Wandu Wose

¹⁰ Niko wikaighenja iyo Sanduku ya Mlungu Ekroni. Ela iji Sanduku ya Mlungu ereredeloghe Ekroni, wandu wa Ekroni wikakema wikighamba, “Wareda iyo Sanduku ya Mlungu wa Israeli wipate kudibwagha isi diwose.”

1 SAMUELI 5:10 ပူးပေါင်းရင်းမြစ်များ

2 SAMUELI 7:9

ngakaianya na oho andu kose koreghendighe, ngawisima wamaiza wako wose werekoghe imbiri kwako. Nichakubonya oho kukaie na irina ibaa karakara na marina gha wabaa wiko ndoenyi.

2 WAZURI 1:2

Mzuri Ahazia ukapotoka kufuma idirishenyi ja chumba cha ngome yake gorofenyi aja Samaria, ukashoghonoka; ukaduma wandu wikotie Baalzebubu, mlungu ghwa Ekroni ngera uboa.

1 MALAGHO GHA NGELO 7:21

Zabadi na Shuthela. Efraimu orekoghe na wana wamu wawi kula na Shuthela: Ezeri na Eleadi wana wa Efraimu werebwaghiloghe ni waisanga wa Gathi iji wereghendieghe kuiwa ng'ombe rawo.

AMOSI 1:8

Nichawiinja wabonyi nguma wa mizi ya Ashdodi na Ashkeloni. Nichawikaba wandu wa Ekroni, na masighariko gha Wafilisti wose wichafwa.”

AMOSI 6:2

Marenyi muzi ghwa Kalno mzighane mmbone; na kufuma aho mghende ghuja muzi m'baa ghwa Hamathi; sena muide msee hata Gathi, muzi ghwa Wafilisti. Welee, weko nicha kuchumba agha mawuzuri gha Juda na Israeli? Angu, weko na isanga ibaa kuchumba jenyu?

JOSHUA 13:3

chiaimweri na masanga gha Waavi noko cha kusinyi. (Isanga jifumagha kamoda ka Shihori, mpakenyi ghwa Misri kughenda noko cha kaskazinyi hata mpakenyi ghwa Ekroni jadatalwa kukaia ni ja Wakanaani. Awo wazuri wa Wafilisti werekoghe wikikaia mizi ya Gaza, Ashdodi, Ashkeloni, Gathi, na Ekroni;)

JOSHUA 15:11

Ugho mpaka ghukaida na kujoka cha mghondinyi kaskazinyi ya Ekroni, ghukaghaluka kulangaya cha Shikeroni kuida Mghondi ghwa Baala hata kuvika Jabneeli; ghukatuia Bahari ya Mediterania,

JOSHUA 15:45

Korekoghe na Ekroni chiaimweri na mizi yaro mibaa na mitini,

WATANYI 1:18

Wokoni Juda ukawada Gaza, Ashkeloni, na Ekroni chiaimweri na mipaka yawo.

1 SAMUELI 17:52

Wandu wa Israeli na wa Juda wikawuka na kukema, wikawiwinga Wafilisti hata Gathi, na kuvika mbengenyi ya Ekroni. Wafilisti awo wereshoghonologhe wikaghwa a chienyi kufuma Shaaraimu hata Gathi na Ekroni.

1 SAMUELI 5:11

Niko wikawikwanya wabaa wose wa Wafilisti wikaghamba, “Wunjenyi ihi Sanduku ya Mlungu wa Waisraeli noko andu koni erekoghe, isechedibwagha isi diwose.” Kwa kukaia muzi ghose wandu werekoghe wikiobua kifwa; na Mlungu orekoghe wawikaba wandu aho loli loli;

1 SAMUELI 5:9

Ela nyuma ya kuireda iyo Sanduku aho, BWANA ukazoya kughukaba ugho muzi na kuwibonya wandu wikaie na wowa; ukawitirira wandu watini na wabaa kwa kubukwa ni mbama.

1 SAMUELI 6:1

Sanduku ya BWANA erekaieghe isangenyi ja Wafilisti kwa meri mfungade.