1 SAMUELI 4:5 - Biblia Ilagho Jiboie Kwa Wandu Wose

⁵ Nao iji Sanduku ya Ilaghano yavika kambinyi, Waisraeli wose wikazuma kwa kuboilwa kwa lwaka lubaa, hata ndoe ikasughusika.

1 SAMUELI 4:5 ပူးပေါင်းရင်းမြစ်များ

2 SAMUELI 15:24

Nao Abiathari ukajoka, na wokoni Zadoku ukacha chiaimweri na Walawi wose wikaidwa Sanduku ya Ilaghano ya Mlungu, wikaiwika andonyi hata wandu wose wikaruwuka kufuma mzinyi.

1 WAZURI 1:40

Wandu wose wikamnugha nyuma wikiboilwa na kukaba misherembe kwa kuboilwa kubaa, hata ndoe ikasughusika.

AYUBU 20:5

Kukaia mundu mmbiwi wadaboilwa kwa ngelo vui; kuboilwa kwa mundu usene kuobua kwa Mlungu ni kwa ngelo vui.

JEREMIA 7:4

Msakeghirumiria agha malagho gha tee gheghora, ‘Ihi ni Hekalu ya BWANA, Hekalu ya BWANA, Hekalu ya BWANA.’

AMOSI 6:3

Inyo mleghagha kurumiria wei ijo ituku jekabwa jalighisa, ela sena agho mughibonyagha ghaawuyashashira ijo ituku jimchee.

MIKA 2:11

“Wandu awa weekunda mlodi umaraa-mara na tee na mikalo ukiwizera, ‘Inyo mchulwa ni divei na chofi.’

JOSHUA 6:20

Niko aho tarumbeta rikakabwa; na wandu wiendasikira, wikakema kwa chwaka mbaa, na ugho wurigha ghwa muzi ghukaghwa andoenyi, na awo wandu wikajoka, wikaghungiria ugho muzi, na kughuwada.

JOSHUA 6:5

Hata iji wakaba iro tarumbeta na ndighi, mkasikira iro chwaka ra tarumbeta woruwu, niko wandu wose wichakema na chwaka mbaa, na wurigha ghwa muzi ghuchaghwa hata andoenyi; niko wandu wichajoka, na kula mundu uchaghenda imbiri kughungiria muzi.”

WATANYI 15:14

Nao iji wavika Lehi, Wafilisti wikamkimbiria wikikema; Roho wa Bwana ukamchea aighu yake kwa ndighi mbaa na rija kamba rerekoghe mikonunyi kwake, rikawuya sa uzi wa kitani wahia, rikapotoka kufuma mikonunyi kwake.

1 SAMUELI 4:6

Hata iji Wafilisti wasikira iro chwaka wikaghamba, “Iri chwaka mbaa rabonywa ni Waebrania kambinyi kutambua kwaro niki?” Hata iji wamanya kukaia Sanduku ya Ilaghano yameria kuredwa kambinyi,