1 SAMUELI 4:4 - Biblia Ilagho Jiboie Kwa Wandu Wose

⁴ Niko wikaduma wandu kufuma aho, wikaireda kufuma Shilo Sanduku ya Ilaghano ja BWANA wa majeshi, uo ukaiagha ghadi na ghadi ya fwana ra makerubi ghighorue mawawa aighu ya iyo Sanduku; wana wawi wa Eli, Hofni na Finehasi, wikaireda iyo Sanduku.

1 SAMUELI 4:4 ပူးပေါင်းရင်းမြစ်များ

2 SAMUELI 15:24

Nao Abiathari ukajoka, na wokoni Zadoku ukacha chiaimweri na Walawi wose wikaidwa Sanduku ya Ilaghano ya Mlungu, wikaiwika andonyi hata wandu wose wikaruwuka kufuma mzinyi.

2 SAMUELI 6:2

Ukajokanya na wandu wose werekwanyeghe nao kufuma Baal-Juda; wipate kuireda Sanduku ya Ilaghano ja BWANA, iyo iwangilo kwa irina ja BWANA wa majeshi, uo ukaiagha kidombo kifumbinyi cha nguma aighu ya makerubi.

2 WAZURI 19:15

Hezekia ukamlomba BWANA ukighamba, “Ee BWANA Mlungu wa Israeli, oho kifumbi chako cha nguma chiko aighu ya makerubi, oho kuekeri kuko Mlungu, aighu ya mawuzuri gha ndoenyi kose, kuumbie mlungunyi na ndoenyi;

ZABURI 80:1

Sikira ee Mlisha wa Israeli, oho kughenjagha kivalwa cha Josefu sa ng'ondi. Oho kukaiagha aighu ya kifumbi cha nguma naighu ya makerubi,

ZABURI 80:2

kuwonyere kumoni imbiri ya kichuku cha Efraimu, na Benjamini, na Manase. Wonyera ndighi rako, kuche na kudikire.

ZABURI 99:1

BWANA ni mzuri, wandu ndewisughusike! Wasea kidombo kifumbinyi cha nguma naighu ya makerubi, ndoe ndeizingizike!

ISAYA 37:16

“Ee BWANA wa majeshi, Mlungu wa Israeli, kukaiagha aighu ya kifumbi cha nguma naighu ya makerubi; ni oho kuekeri Mlungu kuko aighu ya mawuzuri ghose gha ndoenyi, na ni oho kuumbie mlungunyi na ndoenyi.

MALAKI 1:9

Na idana wakohani, mvoyenyi Mlungu upate kudifuya wughoma. Kukakoni umfuya wughoma iji mumfunyiragha vizongona sa ivo?

MITALO 4:15

Hata iji Haruni na wana wake wameria kufinikira Andu kwa Wueli na vilambo varo, niko wana wa Kohathi wichacha na kuviduka ngelo kambi yakahamishwa; ela wiseadade ivo vilambo vieleshero, wichefwa. Ivo nivo vilambo va Hema ekwania vichaakaia vikidukwa ni wana wa Kohathi.

MITALO 4:5

Kawona Hema yakakulwa, Haruni na wana wake wichangia wisere kitambaa cha pazia, na kuifinikira Sanduku ya Ilaghano.

MITALO 7:89

Nao iji Musa wangia andenyi ya Hema ekwania kughora na BWANA, ukasikira lwaka lwa BWANA lukighora nao kufuma naighu ya kilemeko, icho kifumbi cha wughoma cherekoghe aighu ya Sanduku ya Ilaghano, chiko na makerubi awi.

1 SAMUELI 1:24

Uendamsighisha mariwa, ukamghenja Shilo, ukidwa njau ya miaka idadu, na kilo imweri ya mufu, na kiriba cha mrongo chichue divei; ukamreda uo mwana mtini nyumbenyi kwa BWANA, aho Shilo.

1 SAMUELI 14:3

aghadi yawo, orekoghe mwana wa Ahitubu mruna Ikabodi mwana wa Finehasi, wawae Eli uo orekoghe mkohani wa BWANA aja Shilo; nao orekoghe ukirwa naivera. Wandu ndeweremanyireghe wei Jonathani waghenda.

1 SAMUELI 2:22

Idana Eli orekoghe waghosia nandighi, ukakaia ukisikira iro maza rose wana wake werekoghe wikiwibonyera Waisraeli, na seji werekoghe wikilala na waka awo werekoghe wikidumika aho mbengenyi ya Hema ekwania.