1 SAMUELI 4:3 - Biblia Ilagho Jiboie Kwa Wandu Wose

³ Nao iji majeshi gha Waisraeli ghawuya kambinyi wikaghamba, “Kwaki BWANA wadisigha dikasimwa ni Wafilisti? Nndokonyi diendeonda Sanduku ya Ilaghano ja BWANA kufuma Shilo, eri BWANA upate kukaianya nesi na kudikira na wamaiza wedu.”

1 SAMUELI 4:3 ပူးပေါင်းရင်းမြစ်များ

2 SAMUELI 15:25

Mzuri ukamzera Zadoku, “Wunja Sanduku ya Ilaghano ya Mlungu cha mzinyi. BWANA ukanirumiria uchaniwunja sena niwone Sanduku ya Ilaghano na wandu wake wori.

1 MALAGHO GHA NGELO 17:1

Nao iji Mzuri Daudi orekoghe ukikaia nyumbenyi kwake, ituku jimu ukamzera mlodi Nathani, “Ini naawuyakaia andenyi ya nyumba ya misida, ela Sanduku ya Ilaghano ja BWANA eeka andenyi hemenyi.”

ZABURI 74:1

Ee Mlungu, kwaki kwadilegha putu? Kwaki kuwibonyeragha wandu wako machu?

ZABURI 74:11

Kwaki kuseditesiagha? Kwaki kukuchagha mikonu yako?

ISAYA 50:1

BWANA waghamba, “Barua ewilegha wandu wapo sa etana na muka eko hao? Na ikakaia nimuuzire wuzumbenyi, namuuzire kwani? Olenyi ni kwa wundu ghwa kaung'a renyu niko moreuziroghe wuzumbenyi; ni kwa wundu ghwa makosa ghenyu niko morelegheloghe.

ISAYA 58:3

Wandu wakotia BWANA, “Kwaki difungie tumu sena kusewonagha? Kwaki dakusera na ndighi huwu, na oho ndekutalie ilagho ijo?” Na BWANA wawitumbulia huwu, “Olenyi mwadakuboia mmbeni ngelo yenyu efunga tumu, na kuwikoronga wabonyi kazi wenyu.

ISAYA 59:1

Olenyi mkonu ghwa BWANA ndeghupungue ghusedimagha kukira, hata madu ghake ndeghiriwie wei ghilemo ni kusikira;

ISAYA 59:2

ela mawiwi ghenyu nigho ghimtanyire na Mlungu onyu, na kaung'a renyu niro rimshekerie Mlungu usemzighane, hata usedime kumsikira.

JEREMIA 3:16

Hata iji mwameria kuchurikia na kuera isangenyi, matuku agho, ndewichaja malagho gha Sanduku ya Ilaghano japo. Ndewichaaikumbuka angu kuighesha, hata wandu ndewichaakaia na haja nayo angu kubonya ingi zima anduangi.

JEREMIA 7:4

Msakeghirumiria agha malagho gha tee gheghora, ‘Ihi ni Hekalu ya BWANA, Hekalu ya BWANA, Hekalu ya BWANA.’

MITALO 10:33

Nao kufuma Sinai, wandu wikadamba charo cha matuku adadu; na Sanduku ya Ilaghano erekoghe yakiria kiimbiri matuku adadu kulolia wandu andu kohoresha.

MITALO 10:35

Ngelo iyo yose Sanduku ya Ilaghano erezoyagha kudukwa, Musa orekoghe ukighamba, “Wuka ee BWANA, kuwisaghise wamaiza wako; na awo wizamilwagha ni oho, ndewikimbie imbiri yako.”

MITALO 31:6

Musa ukawighenja wudenyi, kula mbari wandu elfu imweri; chiaimweri na Finehasi mwana wa mkohani Eleazari, uko na vilambo va Andu kwa Wueli mikonunyi kwake na tarumbeta ekaba lwaka loturusa.

WUKUMBUSO 29:24

Niko mbari rose richakotia, ‘Kwaki BWANA ujibonyere iji isanga huwu? Niki chishekerie machu ghake kukaia mabaa huwu?’

WUKUMBUSO 31:26

“Wadenyi ichi chuo cha sharia, mchiwike mbai na mbai ya Sanduku ya ilaghano ja BWANA Mlungu onyu, chipate kukaia aho chikishuhudia aighu yenyu.

2 TIMOTHEO 3:5

wiko na fwana ya kumuobua Mlungu, ela wiarikana ndighi raro. Kuwiinjikie wandu sa awo.

WAEBRANIA 9:4

Andenyi kwaro, korekoghe na madhabahu ya dhahabu efukiria marumba, na Sanduku ya Ilaghano ishingilo dhahabu chia rose. Iyo Sanduku erekoghe na mkebe ghwa dhahabu ghowika ija mana, mzata ghwa Haruni ugho ghorejosereghe malemba, na vishawalata va magho viandikilo ija memu ikumi;

JOSHUA 4:7

Niko mchawighoria angu machi gha moda ghwa Jordani gheredumbukieghe imbiri ya Sanduku ya Ilaghano ja BWANA, iji ereruwukieghe Jordani, na agha magho ghichakaia lukumbuso lwa toe kwa wandu wa Israeli, lwa agho gherebonyekieghe.”

JOSHUA 6:6

Niko Joshua mwana wa Nuni ukawiwanga wakohani ukawizera, “Wadenyi Sanduku ya Ilaghano, na wakohani mfungade wido tarumbeta mfungade ra mbembe ra bauru imbiri ya Sanduku ya BWANA.”

JOSHUA 7:7

Joshua ukaghamba, “Ai, e BWANA Mlungu, kwaki korewiredagha awa wandu kukawiruwusa Jordani eri kupate kuwifunya mikonunyi kwa Waamori widitoteshe; si baa derekaiagha kimonu cha Jordani!

JOSHUA 7:8

Nighora wada ee BWANA ikakaia Waisraeli wawikimbia wamaiza wawo!

1 PETRO 3:21

Ilagho ijo, jafwanana na wubaputizo ghwa idana ghumkiragha inyo; si sa kuja kuinja wuchafu ghwa mumbi anduangi, ela ni kuja kubonya malaghiro kwa Mlungu kwa nia ielie, kwa chia ya kuruka kwake Jesu Kristo;

JUDA 1:5

Idana nakunde nimkumbuse, hata ngera mwamerie kughorelwa malagho ghose kufuma imbiri; kukaia, Mlungu uendawikira wandu isanga ja Misri, konyuma orewitoteshereghe awo wereleghieghe kurumiria.

1 SAMUELI 1:24

Uendamsighisha mariwa, ukamghenja Shilo, ukidwa njau ya miaka idadu, na kilo imweri ya mufu, na kiriba cha mrongo chichue divei; ukamreda uo mwana mtini nyumbenyi kwa BWANA, aho Shilo.

1 SAMUELI 14:18

Sauli ukamzera Ahija, “Reda Sanduku ya Mlungu aha.” Kwa kukaia iyo ngelo Sanduku ya Mlungu erekoghe ikikaia kwa wandu wa Israeli.

1 SAMUELI 4:2

Wafilisti wikakupanga kulwa na Waisraeli; hata iji wuda ghwabia, Waisraeli wikasimwa ni Wafilisti na kubwaghwa sa wandu elfu inya andu wereluyagha wuda.