1 SAMUELI 4:2 - Biblia Ilagho Jiboie Kwa Wandu Wose

² Wafilisti wikakupanga kulwa na Waisraeli; hata iji wuda ghwabia, Waisraeli wikasimwa ni Wafilisti na kubwaghwa sa wandu elfu inya andu wereluyagha wuda.

1 SAMUELI 4:2 ပူးပေါင်းရင်းမြစ်များ

KILILO CHA JEREMIA 3:40

Ndediripime na kuritima chia redu; dimmburie BWANA.

WALAWI 26:37

Wichakuwarana wikikimbia kuseko na kuwingwa ni mndungi, hata ndemchakaaia na ndighi relwa na wamaiza wenyu anduangi.

MITALO 14:45

Niko Waamaleki na Wakanaani awo werekoghe wikikaia isanga ja mighondinyi wikasea, wikawisima Waisraeli na kuwiwinga hata Horma.

JOSHUA 7:12

Kwa wundu ughu, wandu wa Israeli ndewidimagha kuwisima wamaiza wawo; wichakimbia kwa kukaia nawo weni wori wakungira andenyi ya mtalo ghwa vilambo venonwa. Ini sichaakaianya na inyo sena, msaavinona ivo vilambo venonwa viko aghadi konyu.

1 SAMUELI 17:21

Waisraeli na Wafilisti wikakupanga kwa wuda, wikilangayana ijeshi kwa ijeshi.

1 SAMUELI 17:8

Nao Goliathi ukakaia kimusi na kuwikemia Waisraeli huwu, “Kwaki mwafuma na kukupanga kwa wuda? Kwani ini se Mfilisti, na inyo si wadumiki wa Sauli? Kusaghuenyi mundu usee kulwa nani.

1 SAMUELI 4:1

Waisraeli wose wikamsikira Samueli. Nao Waisraeli wikafuma kulwa na Wafilisti; wikabonya kambi yawo aja Ebenezeri, na Wafilisti wikabonya yawo aja Afeki.

1 SAMUELI 4:10

Niko Wafilisti wikalwa kwa ndighi mbaa, wikawisima Waisraeli hata kula umu wawo ukakimbia cha mzinyi kwake. Wandu wikabwaghwa nandighi, Waisraeli wikafwa masikari elfu mirongo idadu weghenda na maghu.

1 SAMUELI 4:3

Nao iji majeshi gha Waisraeli ghawuya kambinyi wikaghamba, “Kwaki BWANA wadisigha dikasimwa ni Wafilisti? Nndokonyi diendeonda Sanduku ya Ilaghano ja BWANA kufuma Shilo, eri BWANA upate kukaianya nesi na kudikira na wamaiza wedu.”