1 SAMUELI 4:18 - Biblia Ilagho Jiboie Kwa Wandu Wose

¹⁸ Uendaghora maza ra Sanduku ya Mlungu, Eli ukawuduka kinyuma-nyuma kufuma kifumbinyi kwake mbai na mbai ya mbenge, ukachika singo yake, ukafwa; kwa kukaia orekoghe mghosi ulemere; nao orewilongozereghe Waisraeli kwa miaka mirongo ina.

1 SAMUELI 4:18 ပူးပေါင်းရင်းမြစ်များ

ZABURI 26:8

Naikunda iyo nyumba kukaiagha ee BWANA, na andu wubaa ghwako ghukaiagha.

ZABURI 42:10

Wamaiza wapo wanidukana na kunivavira sa kunibara maindi, wikinikotia ngelo rose, “Mlungu wako oko hao?”

ZABURI 42:3

Naawuyalila kio na dime, na mbori rawuya vindo vapo wandu wikinizera, “Mlungu wako oko hao?”

ZABURI 69:9

Iriso jeikunda nyumba yako janibwagha, na masholio werekusholieghe oho ghanipatire ini.

WALAWI 10:3

Nao Musa ukamzera Haruni, “Huwu niko BWANA oreghoragha, ‘Nichakuwonyera ini moni kukaia mweli kwa kula mundu unisoghoderagha, nani nichanekwa wubaa imbiri ya wandu wose.’” Haruni ukanyama kima chake.

WATANYI 15:20

Samsoni ukawitanya Israeli kwa miaka mirongo iwi matuku gha Wafilisti.

1 SAMUELI 4:13

Uendavika, ukamkua Eli uko kidombo kifumbinyi kwake achienyi ukilangaria, kwa kukaia orengiriloghe ni wowa kwa wundu ghwa Sanduku ya Mlungu. Uja mundu ungia mzinyi na kughora agho malagho ghabonyeka, wandu wose wikawoka kulila.

1 SAMUELI 4:17

Uja mundu ukatumbulia, “Waisraeli wasimwa ni Wafilisti, na wandu wabwaghwa loli loli, hata wana wako Hofni na Finehasi wabwaghwa, na Sanduku ya Mlungu yameria kuwadwa.”

1 SAMUELI 4:19

Eli mka-mwanwake, uo muka wa Finehasi, orekoghe na kifu chalighisa kuvalwa. Nao iji wasikira maza ra Sanduku ya Mlungu kuwadwa, na kukaia mghosi wake chiaimweri na mumi wameria kufwa, ukawokwa ni kulumwa, ukaghoghoma ukava mwana.