1 SAMUELI 4:17 - Biblia Ilagho Jiboie Kwa Wandu Wose

¹⁷ Uja mundu ukatumbulia, “Waisraeli wasimwa ni Wafilisti, na wandu wabwaghwa loli loli, hata wana wako Hofni na Finehasi wabwaghwa, na Sanduku ya Mlungu yameria kuwadwa.”

1 SAMUELI 4:17 ပူးပေါင်းရင်းမြစ်များ

ZABURI 78:61

Ukasigha Sanduku ya Ilaghano, iyo iko alama ya ndighi rake, na wubaa ghwake idwalo wunyika.

ZABURI 78:64

Wakohani wawo werebwaghiloghe kwa lufu, na waka wawo wikaghirilwa kulila.

1 SAMUELI 2:34

Na alama ekuwonyera wuloli ghwa maza iri ni ihi: wana wako wawi, Hofni na Finehasi, wichafwa wose kwa ituku jimweri.

1 SAMUELI 3:11

Niko BWANA ukamzera Samueli, “Ola nalighisa kubonya ilagho andenyi ya Israeli, mundu uo ose uchaajisikira, jichamturusa.

1 SAMUELI 3:12

Ituku ijo nichakatisha malagho ghose nereghighorieghe aighu ya Eli na nyumba yake kufuma kuzoya hata kutua;

1 SAMUELI 4:16

Uja mundu ukamzera Eli, “Ini ne uja mundu nakimbia kufuma wudenyi idime.” Eli ukamkotia, “Malagho ghaenda wada mwanwapo?”

1 SAMUELI 4:18

Uendaghora maza ra Sanduku ya Mlungu, Eli ukawuduka kinyuma-nyuma kufuma kifumbinyi kwake mbai na mbai ya mbenge, ukachika singo yake, ukafwa; kwa kukaia orekoghe mghosi ulemere; nao orewilongozereghe Waisraeli kwa miaka mirongo ina.