1 SAMUELI 30:8 - Biblia Ilagho Jiboie Kwa Wandu Wose

⁸ Daudi ukamlomba BWANA ukighamba, “Wele BWANA, niwinughe awa wandu? Nidima kuwiwada?” BWANA ukamtumbulia, “Winughe; loli kuchawiwada sena kuvuvuo wandu wako.”

1 SAMUELI 30:8 ပူးပေါင်းရင်းမြစ်များ

KUZOYA 14:16

Ukawunja vilambo vose, na Loti mwana na mruna andwamweri na vilambo vake vose, waka na wandu.

2 SAMUELI 5:19

Daudi ukamlomba BWANA. “Welee, nijoke nilo na Wafilisti? Kuwingira mikonunyi kwapo?” BWANA ukamtumbulia Daudi, “Joka, angu kwa loli nichawingira Wafilisti mikonunyi kwako.”

2 SAMUELI 5:23

Hata iji Daudi oremlombieghe BWANA ukamtumbulia, “Kusejoke; ela kuwimare chia ya nanyuma, kuwijokie na iyo chia ilangayagha miforosadinyi.

ZABURI 50:15

Kuniwange ituku kwapatwa ni wasi, nani nichakukira na oho kuchanikasa.”

ZABURI 91:15

Wikaniwanga, nichawidika; wikangia wasinyi, nichakanya nawo; nichawivuvua na kuwibonyera ishima.

KUFUMA 15:9

M'maiza ukaghamba, ‘Nichawinugha niwiwade; nichawaghanya mali rawo, na kwa iro nichakatisha bea yapo. Nichakua lufu lwapo, na kuwitotesha kwa mkonu ghwapo.’

MITALO 27:21

Nao uchakaia ukimghendia mkohani Eleazari, uo uchaakaia ukimzighaniria maza rake kwa Urimu imbiri yapo. Agho uchaakaia ukighora, nigho gheni Joshua na izungu jose ja wandu wa Israeli wichaakaia wikibonya.”

WATANYI 20:18

Wandu wa Israeli wikawuka na kujoka Betheli, wikamkotia BWANA, “Ni weke ani aghadi kodu wichaakaia wa imbiri kuwijokia Wabenjamini?” BWANA ukaghamba, “Juda nuo uzoyagha kujoka.”

WATANYI 20:23

Wandu wa Israeli wikajoka na kumlilia BWANA hata luma lwa nakenyi; wikamkotia BWANA, “Disoghoda sena dipate kulwa na wanidu awo Wabenjamini?” BWANA ukawizera, “Wijokienyi mpate kulwa nawo.”

WATANYI 20:28

na Finehasi mwana wa Eleazari, wawae Haruni nuo orekoghe ukiidumikia matuku agho,) wikighamba, “Dijoke sena kulwa na wanidu Wabenjamini angu dileke?” BWANA ukaghamba, “Jokenyi angu kesho nichawifunya mikonunyi konyu.”

WATANYI 8:4

Nao Gideoni chiaimweri na wandu wake maghana adadu wikacha na kuruwuka Moda ghwa Jordani; werekoghe wasilwa ela wiko tayari kuwinugha wamaiza.

1 SAMUELI 10:22

Niko wikamkotia BWANA sena wikighamba, “U mundu sena wacha aha?” BWANA ukatumbulia, “Sauli hoyo waakuvisa a misigonyi.”

1 SAMUELI 14:37

Nao Sauli ukamkotia Mlungu ukighamba, “Welee, niwiserie Wafilisti? Kuchawifunya wikabo ni Waisraeli?” Ela ijo ituku Mlungu nderemtumbulieghe anduangi.

1 SAMUELI 23:2

Daudi ukamlomba BWANA ukighamba, “Welee, nighende kulwa na awo Wafilisti?” BWANA ukamzera, “Ghenda kuwikabe awo Wafilisti, kughukire muzi ghwa Keila.”

1 SAMUELI 23:4

Niko Daudi ukamkotia BWANA sena. Na BWANA ukamzera, “Wuka kusee cha Keila, kwa kukaia nichakubonya kuwisime Wafilisti.”

1 SAMUELI 28:6

Hata iji wakotia njama kwa Mlungu, nderepatireghe matumbulio kwa ndodo hata kwa Urimu hata kwa chia ya walodi.

1 SAMUELI 30:18

Daudi ukawunja vilambo vose veredwaloghe ni Waamaleki, na kuwivuvua waka wake wawi.

1 SAMUELI 30:19

Ndekuwadie kilambo chingi cherelagharieghe, chikaiagha kitini angu kibaa; ikaiagha wana wa womi angu wana wa waka; vilambo veredwaloghe wunyika angu icho chose cheredukiloghe. Daudi ukaviwunja vose.