1 SAMUELI 30:6 - Biblia Ilagho Jiboie Kwa Wandu Wose

⁶ Daudi ukaja wasi nandighi, kwa kukaia wandu werezoeghe kuja malagho ghemlasa na magho, angu werekoghe na luwawo lubaa rohonyi kwa wundu ghwa wana wawo wa womi na wa waka. Ela Daudi ukafungishwa ndighi ni BWANA Mlungu wake.

1 SAMUELI 30:6 ပူးပေါင်းရင်းမြစ်များ

KUZOYA 32:7

Jakobo ukaja wasi na kuobua na ndighi, ukawaghanya wandu orekoghe nawo, mfugho rose na ngamila mafungu awi,

2 SAMUELI 17:8

Hushai ukachuria kughora, “Oho kwaichi ndeyo chiaimweri na wandu wake ni wandu wiwadie ndighi, nawo weko na luwawo sa kibarabara chasokwa wana wake mlambenyi. Aighu ya agho, ndeyo ni mundu uichi maza ra wuda, ndechaalalanya na wandu.

2 WAZURI 4:27

Hata iji wavika mghondinyi andu Elisha orekoghe, ukaghoghoma andonyi na kuwada maghu ghake Elisha. Ela Gehazi ukacha umuinje noko. Elisha ukaghamba, “Msighe! Oko na kuwawa kubaa, na BWANA wanivisa nisemanye sababu yaro.”

AYUBU 13:15

Hata Mlungu ukanibwagha, nichadua ngimsuwiria; elaima nichakudederia ini moni imbiri kwake.

ZABURI 116:10

Neremazireghe irumirio japo, hata ngera nerekoghe ngighamba, “Nakorongeka nandighi;”

ZABURI 138:3

Ituku nerekuwangieghe, korenitumbulieghe; kukanichuria ndighi ra kiroho.

ZABURI 18:2

BWANA mlindiri wapo; ni ngome yapo na mkiri wapo. Mlungu wapo ni mlindiri wapo nimkimbiriagha. Uo ni sa ngao yapo, na Mkiri wapo uwadie ndighi; nuo andu kwapo kokimbiria.

ZABURI 18:6

Neremmbangieghe BWANA, niko andenyi ya wasi ghwapo, ngamlilia Mlungu unitesie. Ukasikira lwaka lwapo uko Hekalunyi kwake, na kililo chapo chikamvikia.

ZABURI 25:17

Niinjire masumbuko gha ngolo yapo, kunifunye wasinyi.

ZABURI 27:14

Mrumirie BWANA; kukufungishe ndighi hata kusefo ngolo; hee, mrumirie BWANA.

ZABURI 31:24

Kaienyi na ndighi inyo mmbose mummbeseragha BWANA, mkaie na ngolo.

ZABURI 42:11

Kwaki nijagha wasi huwu na kusumbuka? Nichawika isuwirio japo kwa Mlungu, nani nichamkasa sena Mkiri wapo na Mlungu wapo.

ZABURI 42:5

Kwaki nijagha wasi huwu na kusumbuka? Nichawika isuwirio japo kwa Mlungu, nani nichamkasa sena Mkiri wapo na Mlungu wapo.

ZABURI 42:7

Ndiwa na ndiwa riawangana, rikighona; kwaiduma iyo mivo-mivo na kusalama kwa machi kuide aighu yapo.

ZABURI 56:11

uo Mlungu, nuo nimrumiriagha kuseko na wowa. Mdamu wadima kunibonya wada?

ZABURI 62:1

Nadammbesera Mlungu kima; kukia kwapo kwadafuma kwake koni.

ZABURI 62:5

Nadammbesera Mlungu kima, angu isuwirio japo jeeka kwake.

ZABURI 71:4

Kunikire na mundu mmbiwi ee Mlungu wapo; kunikire na ndighi ra mkinyanya na mng'eti.

ZABURI 71:5

Oho BWANA ko isuwirio japo; nadakurumiria kufuma wanake ghwapo, ee BWANA.

KUFUMA 17:4

Musa ukamlilia BWANA ukighamba, “Awandu niwibonya wada? Hawa wiamba na kunilasa na magho.”

MAKATANISHO 18:10

Irina ja BWANA ni mnara ghumange; mhachi wadaghukimbiria na kukaia banana.

ISAYA 25:4

Oho korekoghe ngome imange kwa mkiwa, ngome imange kwa uo orekoghe wasinyi kwa kusowa; kituwiro kwa wundu ghwa kiremba, na kiju kwa wundu ghwa mruke; angu kukaba kwa mng'eti ni karakara na kiremba chikabagha wurigha,

JEREMIA 16:19

Ee BWANA, oho kuko ndighi rapo na ngome yapo, andu kwapo kokimbiria ngelo ya wasi; mbari ra wandu richacha kwako kufuma kutuonyi kwa ndoenyi wikighamba, “Weke aba ndewerewadieghe kindo chingi, ela milungu ya tee, iyo milimu ya duu isene fwaida ingi.

JONA 2:2

“Nerekuwangieghe niko wasinyi ee BWANA, na oho kukanitumbulia. Nerekukemieghe niko ghadi na ghadi ya Andu kwa Wafu, na oho kukanisikira.

MITALO 14:10

Ela izungu jose jikaghamba wiwilase na magho. Niko wubaa ghwa BWANA ghukawoneka aighu ya Hema ekwania.

MATHAYO 21:9

Wandu werekoghe kiimbiri chiaimweri na waja werenughieghe na nyuma wikaghora kwa lwaka lubaa: “Hosana kwa Mwana wa Daudi, Warasimiwa uo uchagha kwa irina ja Bwana; Hosana aighu na ndighi.”

MATHAYO 27:22

Pilato ukawikotia, “Na Jesu uo uwangwagha Kristo nim'bonye wada?” Nao wose wikaghamba, “Ndesulubisho!”

JOHANE 8:59

Nao wikashoa magho wimlase, ela Jesu ukakuvisa, ukafuma Hekalunyi.

WAROMA 4:18

Abrahamu orerumirieghe na kusuwiria icho chisedimikagha kusuwirilwa; niko ucheewuya ndee wa mbari nyingi, sa iji oreghoreloghe, “Kivalwa chako chichakaia kingi sa nyerinyeri.”

WAROMA 4:20

Ndekorekoghe na ngera ingi em'bonya userumirie ilaghiro ja Mlungu, ela ukachuria kurumiria ukimneka Mlungu wubaa;

WAROMA 8:31

Dighora wada idana aighu ya maza iri? Ikakaia Mlungu uko cha kodu nani udimagha kuditangala?

2 WAKORINTHO 1:6

Ngera isi datirirwa, ni kwa wundu ghwa kuhoreshwa na kukia konyu; na ngera dahoreshwa, ni kwa wundu ghwa kuhoreshwa konyu wori uko mkupatagha, iji mwarumaghia luma agho matiriro gheni dawuyatirirwa isi.

2 WAKORINTHO 4:8

Dakorongwa kwa kula chia, ela ndediwuemerelwa; dakambirwa chongo, ela ndedifwagha ngolo;

2 WAKORINTHO 7:5

Angu hata iji derechieghe Makedonia, mimbi edu ndeerewonieghe kuhora kungi anduangi; ela derejishiroghe wasi kwa kula chia: cha shighadi, ni wuda; nandenyi, ni kuobua.

WAEBRANIA 13:6

Niko dadima kughamba kwa wuwana, “Bwana nuo mtesia wapo, sichaaobua anduangi; mdamu wadima kunibonya wada?”

WATANYI 18:25

Wadani wikamzera, “Kusedede! Kwadima kushekeria awa wandu wijoko ni machu wikubwaghe; nao kulaghashe irangi jako chiaimweri na wandu wa kinyumba chako.”

WATANYI 20:22

Ela awo wandu, wandu wa Israeli, wikakufungisha ndighi na kupanga wuda ajaeni wereghupangieghe imbiri.

1 SAMUELI 1:10

Hana orekoghe ukiwawa nandighi, ukalomba kwa BWANA ukilila na luwawo lubaa.

1 SAMUELI 23:16

Na Jonathani mwana wa Sauli ukawuka na kughenda kwake aja Horeshi; ukamkumba Daudi ngolo kukaia Mlungu oko chiaimweri nao.

1 SAMUELI 28:15

Nao Samueli ukamzera Sauli, “Kwaki kwanisumbua na kuniwanga?” Sauli ukatumbulia, “Nakaia na wasi m'baa, kwa kukaia Wafilisti wiabonya wuda na ini, na Mlungu wanisigha ndewuenitumbulia sena kwa walodi, angu kwa ndodo, niko nakuwanga kunighorie agho ghinifwanagha kubonya.”