1 SAMUELI 30:26 - Biblia Ilagho Jiboie Kwa Wandu Wose

²⁶ Daudi uendavika Siklagi, ukawiwaghia waghenyi wake ivo vilongozi va Juda ivo vilambo wavidwa wunyika ukighamba, “Wadenyi zawadi ya vilambo vawadwa wunyika kufuma kwa wamaiza wa BWANA.”

1 SAMUELI 30:26 ပူးပေါင်းရင်းမြစ်များ

KUZOYA 33:11

Ghiwuse nakuvoya agha manosi ghapo nakuredia, angu Mlungu moni waninekie kwa wungi, nani neko na va kukata.” Nao ukamshingira hata ukaghiwada agho manosi.

2 SAMUELI 1:1

Nyuma ya kifwa cha Sauli, Daudi ukawuya kufuma kuwibwagha Waamaleki; ukakaia Siklagi matuku awi.

2 WAZURI 5:15

Niko Naamani ukawuya kwa Elisha chiaimweri na wandu wake wose; ukacha na kukaia kimusi imbiri yake, ukaghamba, “Ola namanya angu ndeuko Mlungu ungi mzima wurumwengunyi kose, ela kwa Israeli; kwa huwo idana nakulomba kuwuse manosi kufuma kwapo ini mdumiki wako.”

ZABURI 35:27

Awo wikundagha nisewoneke mkosa, ndewikeme kwa kuboilwa na kuzuma. Wighambeghe toe, “BWANA ni m'baa uo uboilwagha kuwona mdumiki wake ukikaia nicha.”

ZABURI 68:18

Orejokieghe aighu, ukiwilongoza wafungwa; ukawusa manosi kufuma kwa wandu, hata kufuma kwa waleghi; eri BWANA Mlungu upate kukaia aho.

ISAYA 32:8

Ela mundu mucha wadafunya maghesho mecha, nao wadakaia kwa agho ghiko mecha.

2 WAKORINTHO 9:5

Niko ngawona ni suti niwishashire awa wanidu wikirie, na kubonya mipango kiimbiri aighu ya ijo inosi mlaghirie; eri jiwiko nicha sa inosi jifunyiro kwa ngolo, hata si kwa kufungishwa ndighi anduangi.

1 SAMUELI 18:17

Niko Sauli ukamzera Daudi, “Mwai wapo m'baa Merabu hoyu; nichakuneka kumlowuo iji kwakaia ing'oni na kuniluya wuda ghwa BWANA.” Kwa kukaia Sauli oregheshereghe, “Isekaie wei ni ini nam'bwagha, ela ubwagho ni Wafilisti.”

1 SAMUELI 25:27

Idana wada agha manosi ini mdumiki wako nakuredia bwana wapo, kuwineke awo wandu mwawuyanughana.

1 SAMUELI 25:28

Nakulomba kunilekie makosa ghapo ini mdumiki wako, kwa kukaia loli bwana wapo, BWANA uchakubonyera wuzuri ghwa kala na kala, angu kwawuyalwa wuda ghwa BWANA; na wuwiwi ndeghuchaawoneka kwako matuku ghose kuchaakaia moyo.

1 SAMUELI 30:20

Wokoni Daudi ukawada mfugho rose na ng'ondi na ng'ombe. Wandu wikaridwa na kurilongoza iro ng'ombe imbiri kwake, wikighamba, “Ivi ni vilambo va Daudi wavidwa.”

1 SAMUELI 30:25

Nao kufuma ngelo iyo, Daudi ukaibonya ikaie sharia ya Waisraeli hata idime.