1 SAMUELI 30:16 - Biblia Ilagho Jiboie Kwa Wandu Wose

¹⁶ Nao iji Daudi waghenjwa ukawikua waja wandu wasasarika isangenyi kose, wikija na kunywa na kuvina kwa wundu ghwa ivo vilambo vingi wavidwa wunyika kufuma isanga ja Wafilisti, na isanga ja Juda.

1 SAMUELI 30:16 ပူးပေါင်းရင်းမြစ်များ

2 SAMUELI 13:28

Niko Absalomu ukawilaghira wadumiki wake ukighamba, “Mumzighanireghe Amnoni; iji wanywa divei na kuwongia, ngamzera, ‘Mkabenyi Amnoni,’ basi moom'bwagha. Mseobuo, nechi nimoni namzera mkufungishe ndighi, mkaie mang'oni.”

1 MALAGHO GHA NGELO 4:43

Wikawitotesha Waamaleki werefufunukieghe, nawo wikakaia aho hata linu.

AYUBU 20:5

Kukaia mundu mmbiwi wadaboilwa kwa ngelo vui; kuboilwa kwa mundu usene kuobua kwa Mlungu ni kwa ngelo vui.

ZABURI 119:162

Nawuyaboilwa ni ilagho jako, seji mundu uwadagha vilambo vingi wunyika.

KUFUMA 32:6

Wikawuka kokesho kio na kufunya nyamandu rikaie vizongona vekora, na vindo kwa vizongona va mapatano. Wandu wikasea kidombo kuja na kunywa, wikawuka kusarigha.

ISAYA 22:13

Ela wulalo ghwaro morekoghe na iseko na kuboilwa, mkibwagha njau na ng'ondi na kuja nyama na kunywa divei mkighamba, “Ndedije na kunywa angu kesho diafwa.”

ISAYA 9:3

Oho kwamerie kuichuria iyo mbari ya wandu, na kuchuria kuboilwa kwawo, wawuyaboilwa imbiri kwako seji wakuwidi viro wiboilwagha; seji wandu wiboilwagha wikiwagha vilambo viwadilo wunyika.

1 WATHESALONIKE 5:3

Iji wandu wakaghora, “Ni sere na banana” niko kutota kuchaawichea shwa wori; seji koni muka uko na kifu uchelwagha ni kulumwa ngelo ya kuva, hata ndewichaafufunuka anduangi.

JOSHUA 22:8

ukawizera, “Mwawuyaghala muko na mali nyingi: ng'ombe na feza, dhahabu, shaba, chuma, na nguwo nyingi. Mmbaghie wanyinyu ivo vilambo vose muvipatire kufuma kwa wamaiza wenyu.”

WATANYI 8:11

Gideoni ukachuria kughenda na chia iko mbai mbai ya kireti, mashariki ya Noba na Yokbeha, ukajifutukia jija ijeshi ja wandu wisemanyire na kuwikaba.

1 SAMUELI 30:14

Daafuma kukaba mizi ya Negebu ya Wakerethi, isanga ja wandu wa Juda, na isanga ja Negebu ya Kalebu; na muzi ghwa Siklagi dikaghukora.”

1 SAMUELI 30:15

Daudi ukamzera, “Kwadima kunighenja kwa ijo ijeshi?” Ukaghamba, “Nibonyere ighemi kwa irina ja Mlungu kukaia ndekuchaanibwagha, hata ndekuchaanifunya kwa bwana wapo; nani nichakughenja kwa ijo ijeshi.”