1 SAMUELI 30:14 - Biblia Ilagho Jiboie Kwa Wandu Wose

¹⁴ Daafuma kukaba mizi ya Negebu ya Wakerethi, isanga ja wandu wa Juda, na isanga ja Negebu ya Kalebu; na muzi ghwa Siklagi dikaghukora.”

1 SAMUELI 30:14 ပူးပေါင်းရင်းမြစ်များ

2 SAMUELI 8:18

na Beraia mwana wa Jehoiada ukakaia aighu ya Wakerethi na Wapelethi; na wana wa Daudi wikakaia wakohani.

1 WAZURI 1:38

Niko mkohani Zadoku, na mlodi Nathani, na Benaia mwana wa Jehoiada, na walindiri wa mzuri, wikasea wikamjosa Solomoni aighu ya nyumbu iyo erekoghe ikijokwa ni Mzuri Daudi; wikamreda hata Gihoni.

1 WAZURI 1:44

nao wamduma mkohani Zadoku, na mlodi Nathani, na Benaia mwana wa Jehoiada, na walindiri wa mzuri wimjose Solomoni aighu ya nyumbu ya mzuri.

1 MALAGHO GHA NGELO 18:17

Benaia mwana wa Jehoiada orekoghe m'baa wa walindiri wa mzuri, na wana wa Daudi werekoghe wabaa wa wudumiki ghwa mzuri.

EZEKIELI 25:16

nanimoni ola nichaghorua mkonu ghwapo nikabe Wafilisti; nani nichawibwagha Wakerethi, na kuwitotesha wandu waro wose wa pwani.

ZEFANIA 2:5

Ni bugha konyu inyo mkaiagha kaavui na bahari, inyo mbari ya Wakerethi. Ilagho ja Mlungu jaawuyaghora aighu yenyu ee wandu wa Kanaani isanga ja Wafilisti. BWANA uchamtotesha hata mndungi onyu ndechaasigharika.

JOSHUA 14:13

Niko Joshua ukamrasimia Kalebu mwana wa Jefune, ukamneka muzi ghwa Hebroni ghukaie ifwa jake.

JOSHUA 15:13

Ifungu jimu ja isanga ja Juda jerenekeloghe Kalebu mwana wa Jefune sa iji koni BWANA oremlaghirieghe Joshua.

JOSHUA 21:12

Ela mbuwa ra muzi na mizi yaro mitini, erenekeloghe Kalebu mwana wa Jefune ikaie ifwa jake.

1 SAMUELI 25:3

Mundu uo orewangwaghwa Nabali, na irina ja mkake orewangwagha Abigaili. Muka uo orekoghe ughokie uko na suku, ela mumi orekoghe ung'etere usene adabu, nao orekoghe wa kivalwa cha Kalebu.

1 SAMUELI 30:1

Ituku ja kadadu, Daudi na wandu wake wikavika Siklagi. Wikakua Waamaleki wajokeria chia ya Negebu; wikaghungiria ugho muzi ghwa Siklagi na kughukora.

1 SAMUELI 30:13

Daudi ukamzera, “Oho nani, na kwafuma hao?” Ukatumbulia, “Ini ne mdawana Mmisri; ne mdumiki wa Muamaleki umu, na bwana wapo odenisigha niendawuya mkongo matuku adadu ghiidie.

1 SAMUELI 30:15

Daudi ukamzera, “Kwadima kunighenja kwa ijo ijeshi?” Ukaghamba, “Nibonyere ighemi kwa irina ja Mlungu kukaia ndekuchaanibwagha, hata ndekuchaanifunya kwa bwana wapo; nani nichakughenja kwa ijo ijeshi.”

1 SAMUELI 30:16

Nao iji Daudi waghenjwa ukawikua waja wandu wasasarika isangenyi kose, wikija na kunywa na kuvina kwa wundu ghwa ivo vilambo vingi wavidwa wunyika kufuma isanga ja Wafilisti, na isanga ja Juda.