1 SAMUELI 3:2 - Biblia Ilagho Jiboie Kwa Wandu Wose

² Ngelo iyo, meso gha Eli gherezoeghe kufwa, hata nderedimieghe kuwona; ukakaia ukilala chumbenyi kwake.

1 SAMUELI 3:2 ပူးပေါင်းရင်းမြစ်များ

KUZOYA 27:1

Nao iji Isaaka waghosia na meso ghake kusera kira usedimagha kuwona, ukammbanga Esau mwana wake m'baa ukamzera, “Mwanwapo!” Nao ukadika, “Neko aha.”

KUZOYA 48:10

Meso gha Israeli gherekoghe ghisewonagha nicha kwa wundu ghwa wughosi ghwake. Nao Josefu ukawisoghora kaavui kwake, nao ukawisusugha na kuwishishidia.

KUZOYA 48:19

Ela ndee ukalegha ukaghamba, “Ini namanya, namanya putu mwanwapo. Hata uo moni uchakaia m'baa kumchumba, na kivalwa chake chichakaia kibaa na kuwuya mbari nyingi.”

1 WAZURI 14:4

Nao mka-Jeroboamu ukabonya wokoni; ukawuka ukaghenda Shilo, ukacha hata nyumbenyi kwa Ahija. Ahija nderedimieghe kuwona kwa wundu ghwa wughosi ghwake.

ZABURI 90:10

Dadakaia moyo miaka mirongo mfungade; dikakaia na ndighi yavika mirongo wunyanya. Elaima yareda wasi na kuwawa; Yasia shwa shwa nesi daghenda noko.

MCHILI 12:3

Ngelo ichacha mikonu yako ikulindiagha ichaasughusika, na maghu ghako ghiwadie ndighi idana ghichasilwa ni ndighi. Maghegho ghako ghichasighwa matini ghedafuna vindo, na meso ghako ghichasera kira kusedimagha kuwona.

1 SAMUELI 2:22

Idana Eli orekoghe waghosia nandighi, ukakaia ukisikira iro maza rose wana wake werekoghe wikiwibonyera Waisraeli, na seji werekoghe wikilala na waka awo werekoghe wikidumika aho mbengenyi ya Hema ekwania.

1 SAMUELI 4:15

Ngelo iyo, Eli orekoghe mundu wa miaka mirongo ikenda na wunyanya, na meso ghake gherekoghe ghameria kufwa usedimagha kuwona.