1 SAMUELI 3:19 - Biblia Ilagho Jiboie Kwa Wandu Wose

¹⁹ Samueli ukazoghua, na BWANA ukakaia andwamweri nao, hata nderesighieghe ilagho jingi jake usejikatishire anduangi.

1 SAMUELI 3:19 ပူးပေါင်းရင်းမြစ်များ

KUZOYA 21:22

Ngelo iyo, Abimeleki na Fikoli, m'baa wa majeshi ghake, wikamzera Abrahamu, “Mlungu oko andwamweri na oho kwa maza rose kuribonyagha;

KUZOYA 28:15

Ola neko andwamweri na oho kukuwika na kukulindia andu kose kuchaaghenda, nani nichakuwunja isanga iji; angu sichaakusigha hata nameria kujikatisha ijo nakulaghira.”

KUZOYA 39:2

BWANA ukakaia andwamweri na Josefu, ukawona nicha kwa ghose oreghibonyereghe; nao ukakaia nyumbenyi kwa uja bwana wake Mmisri.

KUZOYA 39:3

Nao Potifa ukawona angu BWANA orekoghe andwamweri na Josefu kwa seji BWANA orekoghe ukirasimia ghose gherebonyeroghe ni mikonu yake.

1 WAZURI 8:56

“BWANA ndekaso, uo uwinekie wandu wake Israeli sere sa iji koni orewilaghirieghe. Wakatishire malaghiro ghake ghose ghiboie oreghibonyereghe kwa mdumiki wake Musa.

2 WAZURI 10:10

Idana manyenyi kukaia ndekuwadie ilagho jingi ja BWANA jighorelo ndoenyi aighu ya kinyumba cha Ahabu jichaida iduu, na agha ni kukatia kwaro ilagho ja BWANA jighorelo ni mlodi Elija.”

2 WAZURI 15:12

(Iji jerekoghe ni ilaghiro ja BWANA oremlaghirieghe Jehu ukighamba, “Wana wako wichaseria kifumbi cha nguma hata kivalwa cha kana.” Niko ikakaia wokoni.)

2 WAZURI 22:16

Ola nichareda wuwiwi kwa muzi ughu na kwa wandu waro, kara kara na agho malagho mzuri wa Juda waghishoma.

ISAYA 43:2

Hata ngera kwaida aghadi ya machi mengi, ini nichakaia andwamweri na oho. Kukaida aghadi ya meda ya machi mengi, ndegichaakudwa anduangi. Kukaida aghadi ya modo, ndekuchaahia; hata lumu lwa modo lukakuleta, ndekuchaalungua anduangi.

ISAYA 44:26

Nadakatisha ilagho ja mdumiki wapo, na kukatisha njama ra wadumwa wapo. Nadazera Jerusalemu, ‘Kuchakailwa ni wandu,’ na mizi ya Juda, ‘Kuchaaghwa na maghacho ghako ghichawusirwa.’

ISAYA 55:11

niko koni na ilagho jifumagha momunyi kwapo, ndejichaaniwuria iduu, ela jichakatisha agho makusudi ghapo gha kujiduma, najo jichawona nicha kwa kula ilagho nerejidumieghe.

MATHAYO 1:23

“Ola mwai uchakaia na kifu nao uchava mwana wa womi, nao uchawangwa Immanueli” (kutambua kwaro ni, “Mlungu andwamweri nesi”).

LUKA 1:28

Malaika ukamchea ukimzera, “Sere ndeikaie kwako oho kunekelo mvono, Bwana oko andwamweri na oho!”

LUKA 1:80

Nao uja mwana ukazoghua, na kukaia nandighi rohonyi kwake; ukakaia kireti, hata ituku ucheewoneka worinyi kwa wandu wa Israeli.

LUKA 2:40

Nao uja mwana ukazoghua na kukaia na ndighi, uchuagha hikima; na mvono ghwa Mlungu ghorekoghe aighu kwake.

LUKA 2:52

Jesu ukachurikia hikima na kuzoghua, ukikundwa ni Mlungu na wandu.

2 WAKORINTHO 13:11

Kutua wanidu, mkaie mana. Boisenyi chia renyu, munisikire, mmbwadane, mkaie na sere, na uo Mlungu wa lukundo na sere uchakaia andwamweri nenyo.

2 WAKORINTHO 13:14

Mvono ghwa Bwana Jesu Kristo, na lukundo lwa Mlungu, na wungara ghwa Roho Mweli, vikaie na inyo mmbose.

WUKUMBUSO 18:22

Iji mlodi waghora kwa irina ja BWANA, na ilagho ijo jaghorwa jileme kukatia, ijo ilagho ndejighorelo ni BWANA kungi; uo mlodi ookubonya moni kughora ijo ilagho; msemuobuo.

2 TIMOTHEO 4:22

Bwana ndekaie na roho yako. Mvono ndeghukaie nenyo.

JOSHUA 21:45

BWANA ukajikatisha kula ilaghiro orejibonyereghe kwa wandu wa Israeli.

WATANYI 13:24

Uja muka ukava mwana wa womi, ukammbanga irina jake Samsoni; mwana ukazoghua, na BWANA ukamrasimia.

1 SAMUELI 10:7

Kukameria kuwona alama iri rose, kubonye ijo jose kwasikira kujibonya, kwa kukaia Mlungu oko andwamweri na oho.

1 SAMUELI 12:2

Na idana wonenyi uo mzuri uchaamlongoza, nani nakaia mghosi wa imbu, na wana wapo hawo mokwanye; na ini namlongozere kufuma wanake ghwapo hata linu.

1 SAMUELI 16:18

Mndumu wa irika ukaghamba, “Ola nammbona mwana wa Jese M'bethlehemu, uichi kukaba kinubi loli loli; mundu uko ing'oni, uichi kulwa wuda, uichi kudeda kwa hikima; ni mundu ughokie, na BWANA oko andwamweri nao.”

1 SAMUELI 18:12

Sauli ukamuobua Daudi, kwa kukaia BWANA orekoghe andwamweri na Daudi na kumsigha uo.

1 SAMUELI 18:14

ukabonya nicha kwa kula ilagho orekoghe ukijibonya; kwa kukaia BWANA orekoghe andwamweri nao.

1 SAMUELI 18:5

Daudi ukabonya nicha kula andu oredumiloghe ni Sauli; kwa huwo Sauli ukam'bonya ukaie m'baa aighu ya wandu welwa wuda. Ilagho ijo jikakaia icha mesonyi kwa wandu wose, na hata kwa wadumiki wa Sauli.

1 SAMUELI 2:21

BWANA ukamrasimia Hana, nao ukava wana wa womi wadadu na wa waka wawi. Uja mwana Samueli ukazoghua imbiri ya BWANA.

1 SAMUELI 2:26

Uja mwana Samueli ukachuria kuzoghua ukikundwa ni BWANA na wandu.

1 SAMUELI 9:6

Ela uja mdumiki ukaghamba, “Ola mundu wa Mlungu umu oko andenyi ya ughu muzi; ni mundu unekelo ishima, na malagho ghose ughoragha ghadawuya gha loli. Nndoko dighende kwake; kewada wadima kudighoria maza ra ichi charo chedu.”