1 SAMUELI 3:18 - Biblia Ilagho Jiboie Kwa Wandu Wose

¹⁸ Niko aho Samueli ukamghoria agho ghose oreghoreloghe ni BWANA, hata nderemvisireghe ilagho jingi anduangi. Nao Eli ukaghamba, “Uo ni BWANA, ndebonye sa iji koni wawona nicha moni.”

1 SAMUELI 3:18 ပူးပေါင်းရင်းမြစ်များ

KUZOYA 18:25

Ai! BWANA wapo kusebonye ilagho iji jebwagha wahachi chiaimweri na wawiwi, hata mhachi usakefwananishwa na mmbiwi; ilagho ijo jisebonyeke kwako. Welee, ndeifwane Mtanyi wa wurumwengu ghose kubonya agho ghiko gha hachi anguwada?”

2 SAMUELI 10:12

Kukaie na ngolo, dilo kiwomi kwa wundu ghwa wandu wedu na kwa wundu ghwa mizi ya Mlungu odu; BWANA ndebonye ijo ujiwonagha nicha kwake.”

2 SAMUELI 15:26

Da nako BWANA ukaghamba ndena kuboilwa kungi nani, ini nichasigha lukundo lwake lubonyeke.”

2 WAZURI 20:19

Nao Hezekia ukamzera Isaya, “Ilagho ja BWANA wajighora jaboie.” Angu oreririkanyireghe, “Kewada ichakaia sere na wulindiri kwa matuku ghapo.”

1 MALAGHO GHA NGELO 19:13

Kuke na ngolo, dibonye kiwomi kwa wundu ghwa wandu wedu, na kwa wundu ghwa mizi ya Mlungu odu; lukundo lwa BWANA ndelubonyeke.”

AYUBU 1:21

Nao ukaghamba, “Neevalwa duu, nani nichafwa duu; BWANA oreninekieghe, nao wawusa; irina jake ndejikaso.”

AYUBU 2:10

Ela Ayubu ukamzera, “Kwaawuyadeda sa muka mkelu. Welee, dadapatagha mecha kufuma kwa Mlungu disepatagha mawiwi?” Kwa agho ghose, Ayubu nderebonyereghe kaung'a kwa Mlungu anduangi.

ZABURI 39:9

Nichanyama kima nisedede, angu ni oho kubonyere agho.

KUFUMA 34:5

BWANA ukasea andenyi ya iwingu, ukakaia kimusi andwamweri nao aja, ukajighora irina jake, BWANA.

ISAYA 39:8

Niko Hezekia ukamzera Isaya, “Ilagho ja BWANA kwajighora jaboie.” Angu oregheshereghe matuku ghake, “Kuchakaia sere na walindiri.”

JEREMIA 34:6

Niko ngamghoria Zedekia mzuri wa Juda agho malagho ghose aho Jerusalemu,

JEREMIA 38:14

Mzuri Zedekia ukanidumiria, nao ngaredwa mbengenyi ya kadadu ya Hekalu ya BWANA. Mzuri ukanizera, “Nichakukotia ikoto, na oho kusenivise ilagho jingi.”

JEREMIA 42:4

Nani ngawizera, “Namsikira; olenyi nichamlomba BWANA Mlungu onyu sa iji koni mwanilomba, na agho ghose BWANA uchaanitumbulia, nichamghoria; sichaamvisa ilagho jingi anduangi.”

KILILO CHA JEREMIA 3:39

Kwaki mdamu ulalamikagha iji wakabwa kwa wundu ghwa kaung'a rake?

WALAWI 10:3

Nao Musa ukamzera Haruni, “Huwu niko BWANA oreghoragha, ‘Nichakuwonyera ini moni kukaia mweli kwa kula mundu unisoghoderagha, nani nichanekwa wubaa imbiri ya wandu wose.’” Haruni ukanyama kima chake.

1 PETRO 5:6

Kwa huwo mkusere aisi ya mkonu ghwa Mlungu ghuko na kudima, eri upate kumjosa kwa ngelo yaro.

WATANYI 10:15

Wandu wa Israeli wikamzera BWANA, “Isi dabonyere kaung'a, dibonye sa iji kuwonagha nicha oho kumoni, ela tu dakuvoya kudikire idime jeni.”