1 SAMUELI 3:1 - Biblia Ilagho Jiboie Kwa Wandu Wose

¹ Ngelo iro, uo mwana Samueli, orekoghe ukimdumikia BWANA aisi ya Eli. Na ilagho ja Mlungu jerekoghe jahora modo nandighi matuku agho; kwa kukaia ndekorekoghe na mawono ghangi shwa kwa shwa.

1 SAMUELI 3:1 ပူးပေါင်းရင်းမြစ်များ

ZABURI 74:9

Ndediwuewona alama redu; walodi ndewiduagha, na mndungi aghadi kodu ndewuemanya maza iri rikaia huwu hata lii.

MAKATANISHO 29:18

Mbari isewadie wulongozi ghwa Mlungu ndeikaiagha nicha. Warasimilwa mundu uwadiagha sharia ya BWANA.

ISAYA 13:12

Nichawibonya wadamu wisigho watini kuchumba dhahabu ieleshero, na watinieri kuchumba dhahabu ya Ofiri.

EZEKIELI 7:26

Wasi ghwaawuyacha aighu ya wasi, na malagho aighu ya malagho; wichalola wufunuo ghungi kufuma kwa mlodi, ela wakohani wichakaia walaghalwa ni sharia, na waghosi kulaghalwa ni njama.

1 SAMUELI 2:11

Niko Elkana ukawuya cha mzinyi kwake Rama, na uja mwana Samueli ukasighwa ukimdumikia BWANA aisi ya mkohani Eli.

1 SAMUELI 2:18

Uja mwana Samueli orerushiroghe naivera ya kitani, ukakaia ukidumika imbiri ya BWANA.

1 SAMUELI 2:35

Nani nichawika mkohani mzima uchaakaia mloli kwapo, nao moni uchabonya agho nighikundagha. Nichamneka kinyumba chimange chichaadumika imbiri ya msaghulwa wapo matuku ghose.

1 SAMUELI 2:36

Kula umu wa kinyumba chako uchaasigharika, uchamghendia uo mkohani na kumvoya ukilomba pesa na vindo kwa kumlomba umngire andenyi ya wudumiki ghwa wukohani eri upate kindo chingi cheja.”

1 SAMUELI 3:15

Nao Samueli ukalala hata ndoe ikaela; niko ukairughua minyango ya nyumba ya BWANA. Ela ukaobua kumghoria Eli agho mawono.

1 SAMUELI 3:21

BWANA ukachuria kukufunukua sena aho Shilo, angu orekoghe wakufunukua kwa Samueli kwa chia ya ilagho jake.