1 SAMUELI 29:4 - Biblia Ilagho Jiboie Kwa Wandu Wose

⁴ Ela wabaa wa majeshi gha Wafilisti wikajokwa ni machu, wikamzera Akishi, “Mmbunje umundu noko, uende ukaie andu koremmbikieghe. Ndeghendanyagha nesi wudenyi, uchewuyadighaluka na kulwa nesi. Ndekuwuemanya kukaia wupatano ghwake na bwana wake ghuapatika kwa chia ewibwagha wandu wedu?

1 SAMUELI 29:4 ပူးပေါင်းရင်းမြစ်များ

1 MALAGHO GHA NGELO 12:19

Wandu wamu wa Manase werekimbirieghe cha kwa Daudi ingelo orechanyeghe na Wafilisti kulwa na Sauli. Elaima nderewiteserieghe; angu wazuri wa Wafilisti wereobueghe kewada Daudi wadima kuwifunya cha kwa bwana wake wa kala Sauli, niko wikamsigha uwuye cha Siklagi.

1 MALAGHO GHA NGELO 12:20

Nao iji orekoghe ukighenda cha Siklagi, awo wandu wa Manase wikakimbia cha kwake; nawo ni: Adina, Josabadi, Jediaeli, Mikaeli, Josabadi, Elhu, na Silethai wabaa wa maelfu andenyi ya Manase.

KUFUMA 1:10

Nndokonyi diwibonyere mpango kwa wuya wisechechurikia, eri wuda ghukabuka, wisechekukwanya na wamaiza wedu na kudikaba, nao wifume na kughenda.”

LUKA 16:8

Uja bwana ukamkasa mnyapara useko mloli, angu orejieghe akili; kwa kukaia wandu wa wurumwengu ughu wawadie akili rebonya malagho ghawo weni, kuchumba wandu wa mwengere.

1 SAMUELI 14:21

Hata na Waebrania wamu werekoghe wikikaia kwa Wafilisti kiimbiri, na kujokanya cha kambinyi kwawo wikaghaluka na kukukwanya na awo Waisraeli werekanyeghe andwamweri na Sauli na Jonathani.

1 SAMUELI 27:6

Niko Akishi ukamneka Daudi muzi ghwa Siklagi ituku jija; na muzi ugho ghwaduagha ghwa wazuri wa Juda hata idime.

1 SAMUELI 29:9

Akishi ukamtumbulia Daudi, “Namanya angu ndekuwadie ikosa jingi, nani naawuyakuwona sa malaika wa Mlungu; ela wabaa wa Wafilisti waalegha putu ndemghendanyagha wudenyi.

1 SAMUELI 30:1

Ituku ja kadadu, Daudi na wandu wake wikavika Siklagi. Wikakua Waamaleki wajokeria chia ya Negebu; wikaghungiria ugho muzi ghwa Siklagi na kughukora.