1 SAMUELI 29:3 - Biblia Ilagho Jiboie Kwa Wandu Wose

³ Uja m'baa wa majeshi gha Wafilisti ukaghamba, “Awa Waebrania wibonyaki aha?” Akishi ukamtumbulia, “Uhu si uja Daudi m'baa wa Sauli mzuri wa Waisraeli, nao wakaia kwapo matuku na miaka. Kufuma wakimbia cha kwapo jingi siwonie ikosa jingi kwake hata linu.”

1 SAMUELI 29:3 ပူးပေါင်းရင်းမြစ်များ

KUZOYA 14:13

Niko aho mndumu orefufunukieghe ukacha ukamghoria Abramu Muebrania, uo orekoghe ukikaia kaavui na midi ya kuela ya Mamre Muamori mruna Eshkoli na Aneri, nawo niwo werewadaneghe na Abramu.

1 MALAGHO GHA NGELO 12:19

Wandu wamu wa Manase werekimbirieghe cha kwa Daudi ingelo orechanyeghe na Wafilisti kulwa na Sauli. Elaima nderewiteserieghe; angu wazuri wa Wafilisti wereobueghe kewada Daudi wadima kuwifunya cha kwa bwana wake wa kala Sauli, niko wikamsigha uwuye cha Siklagi.

1 MALAGHO GHA NGELO 12:20

Nao iji orekoghe ukighenda cha Siklagi, awo wandu wa Manase wikakimbia cha kwake; nawo ni: Adina, Josabadi, Jediaeli, Mikaeli, Josabadi, Elhu, na Silethai wabaa wa maelfu andenyi ya Manase.

DANIELI 6:5

Niko awo wandu wikaghamba, “Ndedidimagha kupata sababu ingi emshitakia Danieli disaailola kwa chia ya dini yake.”

JOHANE 19:6

Nao iji wakohani wabaa na walindiri wammbona Jesu wikaghamba kwa chwaka mbaa, “Msulubishe! Msulubishe!” Pilato ukawizera, “Mmbwadenyi mumsulubishe mmbeni angu ini siwonie ikosa jingi kwake anduangi.”

WAROMA 12:17

Msakemlipa mndungi kiwiwi kwa kiwiwi, ela mririkanye iro riko ndicha imbiri ya wandu wose.

1 PETRO 3:16

mkikaia na nia ielie, eri iji mwadukanwa, awo wisholiagha tabia renyu riboie andenyi ya Kristo, wipate kufwa waya.

1 SAMUELI 14:11

Niko wose wawi wikakuwonyera weni aja ngomenyi kwa Wafilisti, na Wafilisti wikaghamba, “Wonenyi Waebrania waawuyafuma mirumenyi, andu wikuvisireghe.”

1 SAMUELI 25:28

Nakulomba kunilekie makosa ghapo ini mdumiki wako, kwa kukaia loli bwana wapo, BWANA uchakubonyera wuzuri ghwa kala na kala, angu kwawuyalwa wuda ghwa BWANA; na wuwiwi ndeghuchaawoneka kwako matuku ghose kuchaakaia moyo.

1 SAMUELI 27:1

Daudi ukaghamba ngolonyi kwake, “Ituku jimu wanidu nibwaghwa ni Sauli. Ndekuwadie ilagho jingi izima jinitesiagha kuchumba kukimbia cha kwa Wafilisti; aho niko Sauli uchaakoja kuninugha andenyi ya isanga ja Israeli, nani nichakaia banana.”

1 SAMUELI 27:7

Daudi orekaieghe andenyi ya isanga ja Wafilisti kwa mwaka mlazi na meri ina.

1 SAMUELI 29:6

Niko Akishi ukammbanga Daudi ukamzera, “Naghema, kwa BWANA uko moyo, oho kwakaie mloli kwapo; nani kondenyi ngolonyi kwapo niawona kumangu daghendanya andu kose nighendagha; kwa kukaia sikuwonie na ikosa jingi kufuma kwacha hata linu. Elaima vilongozi va Wafilisti ndewiwuekurumiria anduangi.

1 SAMUELI 4:6

Hata iji Wafilisti wasikira iro chwaka wikaghamba, “Iri chwaka mbaa rabonywa ni Waebrania kambinyi kutambua kwaro niki?” Hata iji wamanya kukaia Sanduku ya Ilaghano yameria kuredwa kambinyi,