1 SAMUELI 29:2 - Biblia Ilagho Jiboie Kwa Wandu Wose

² Hata iji vilongozi va Wafilisti werekoghe wikiida, wa ighana, na wa maelfu-elfu, Daudi nao chiaimweri na wandu wake, wikaida watua nyuma wikwanye na Akishi.

1 SAMUELI 29:2 ပူးပေါင်းရင်းမြစ်များ

1 MALAGHO GHA NGELO 12:19

Wandu wamu wa Manase werekimbirieghe cha kwa Daudi ingelo orechanyeghe na Wafilisti kulwa na Sauli. Elaima nderewiteserieghe; angu wazuri wa Wafilisti wereobueghe kewada Daudi wadima kuwifunya cha kwa bwana wake wa kala Sauli, niko wikamsigha uwuye cha Siklagi.

MITALO 10:25

Niko awo werekoghe aisi ya bendera ya wandu wa Dani, wikazoya charo kwa mafungu ghawo; wikakaia nanyuma wikilindia kambi rose; na kilongozi cha ijeshi jawo cherekoghe Ahiezeri mwana wa Amishadai.

JOSHUA 13:3

chiaimweri na masanga gha Waavi noko cha kusinyi. (Isanga jifumagha kamoda ka Shihori, mpakenyi ghwa Misri kughenda noko cha kaskazinyi hata mpakenyi ghwa Ekroni jadatalwa kukaia ni ja Wakanaani. Awo wazuri wa Wafilisti werekoghe wikikaia mizi ya Gaza, Ashdodi, Ashkeloni, Gathi, na Ekroni;)

1 SAMUELI 6:4

Wikakotia, “Icho kizongona kwa wundu ghwa kaung'a dimuenjeragha ni chiao?” Wikatumbulia, “Fwana ra mbama isanu ra dhahabu, na fwana ra mbewa isanu ra dhahabu, kunughana na mtalo ghwa wabaa wa Wafilisti; kwa kukaia agho makabo ghedempata inyo chiaimweri na wabaa wenyu.