1 SAMUELI 28:7 - Biblia Ilagho Jiboie Kwa Wandu Wose

⁷ Nao Sauli ukawizera wabaa wake, “Nilolienyi muka ungi ulaghuagha, nipate kukotia malagho kwake.” Wabaa wake wikamzera, “Ola mlaghui umu oko Endori.”

1 SAMUELI 28:7 ပူးပေါင်းရင်းမြစ်များ

2 WAZURI 6:33

Hata iji orekoghe ukideda, mzuri moni ukabusa ukaghamba, “Ughu wasi ghwaafuma kwa BWANA; nisindammbesera BWANA hata lii?”

1 MALAGHO GHA NGELO 10:13

Sauli oofwa kwa kulegha kukaia mloli kwa BWANA; ukalegha kughiwadia malaghiro gha BWANA, ukaghenda kulola wulongozi kwa maroho,

ZABURI 83:10

awo weretotesheroghe aja Endori, wikawuya kitungasi cha ndoe.

ISAYA 19:3

Nichawibwagha ngolo putu, na kuinona mipango yawo, nawo wichalola njama kwa milimu na kwa walaghui, waghanga na wasawi;

WALAWI 19:31

“Kuselole njama kwa wandu widedanyagha na roho ra wandu wifuye angu wasawi, kuchelushwa; ini ne BWANA Mlungu wako.

HABAKUKI 2:3

Kwa kukaia ngelo ya agho mawono kukatia ndeivikie; ela ngelo yaro iacha. Ikafwana kumuka, kuiweserie; angu loli ichacha ndeichaamuka anduangi.

MABONYO GHA WADUMI 16:16

Nao iji derekoghe dikighenda andu kolombia Mlungu, dikakwana na mwai mzumba umu uko na roho mbiwi ya wulodi, ukakaia ukiwipatira weke bwana wake fwaida nyingi kwa wulodi ghwake.

WUKUMBUSO 18:11

angu mundu obonyera wandu mbingu, angu mundu odedanya na roho ra wandu wifue angu msawi, angu mundu olomba wafu.

JOSHUA 17:11

Andenyi ya isanga ja Isakari na Asheri, Manase orepatireghe muzi ghwa Beth-sheani na Ibleani chiaimweri na mizi yaro mitini mitini, chiaimweri na wandu werekoghe mizi ya Dori, Endori, Taanaki, Megido, na mizi yaro mitini ya mbai mbai; muzi ghwa kadadu ni Nafati.

1 SAMUELI 28:3

Samueli orekoghe wameria kufwa, na Waisraeli wose werekoghe wamlilia na kumrika aho Rama, mzinyi kwake koni. Sauli orekoghe wawiinja walaghui wose na wasawi isangenyi.