1 SAMUELI 28:6 - Biblia Ilagho Jiboie Kwa Wandu Wose

⁶ Hata iji wakotia njama kwa Mlungu, nderepatireghe matumbulio kwa ndodo hata kwa Urimu hata kwa chia ya walodi.

1 SAMUELI 28:6 ပူးပေါင်းရင်းမြစ်များ

2 SAMUELI 22:42

Werelolieghe wikasowa mndungi owikira, weremlilieghe BWANA, ela nderewitumbulieghe anduangi.

ZABURI 74:9

Ndediwuewona alama redu; walodi ndewiduagha, na mndungi aghadi kodu ndewuemanya maza iri rikaia huwu hata lii.

KUFUMA 28:20

na luzaria lwa kana, gha zaberaji, gha Shohamu, na gha jasipi. Magho agho gha zoghori ghichakandwa aighu ya kilambo cha dhahabu.

KUFUMA 28:30

Kungire Urimu na Thumimu andenyi ya kisibau cha laghenyi, Haruni upate kuridwa laghenyi kwake, iji wakangia andenyi ya Andu Kwapo kwa Wueli. Ngelo rose uchakaia ukirwa icho kisibau cha laghenyi, upate kutanya malagho gha lukundo lwapo kwa wandu wa Israeli.

MAKATANISHO 27:1

Kusakekukasa na maza ra kesho, angu ndekumanyire agho ghichaabonyeka aghadi ya idime na kesho.

JEREMIA 23:28

Uo mlodi uko na ndodo yake, ndeghore ndodo yake; na uo mlodi uko na ilagho japo, ndeghore ilagho japo kwa wuloli. Kwani mafozi ni kilamboki kwa ngano.

KILILO CHA JEREMIA 2:9

Mbenge raro reerikika, mirigho yaro ikaachika vipande vipande; mzuri na wandu wa ishima weebarishwa. Chuo cha Sharia ndechiwuefundishwa, na walodi ndewiwadie mafunuo ghangi kufuma kwa BWANA.

JOELI 2:28

“Konyuma nichawidiria wandu wose roho wapo; wana wenyu wa womi na wa waka wichafunya ilagho japo. WAGHOSI wenyu wichaloda ndodo, na wandu wenyu wa irika wichawona mawono.

WALAWI 8:8

Ukamngira kisibau cha laghenyi, na kungira Urimu na Thumimu andenyi yaro.

MIKA 3:7

Wandu wilodagha malagho ghichagha wichafwa waya iji ghakaia ghisekatie. Wichaserwa angu Mlungu usewitumbuliagha.

MITALO 12:6

Nao BWANA ukaghamba, “Sikirenyi malagho ghapo; Ikakaia oko mlodi ungi aghadi konyu, ini BWANA nadakumanyisha kwake kwa chia ya mawono, nadadedanya nao kwa ndodo.

MITALO 27:21

Nao uchakaia ukimghendia mkohani Eleazari, uo uchaakaia ukimzighaniria maza rake kwa Urimu imbiri yapo. Agho uchaakaia ukighora, nigho gheni Joshua na izungu jose ja wandu wa Israeli wichaakaia wikibonya.”

MATHAYO 1:20

Nao iji orekoghe ukighiririkanya malagho agho, malaika wa Bwana ukamfutukia kwa ndodo ukamzera, “Josefu mwana wa Daudi, kusakeobua kummbusa mkako Maria, angu kifu uko nacho ni kwa ndighi ra Roho Mweli.

JOHANE 9:31

Isi daichi angu Mlungu ndewisikiragha wakaung'a, ela uo usikirwagha ni uja umtasagha Mlungu, na kulubonya lukundo lwake.

WUKUMBUSO 33:8

Kwa mbari ya Lawi ukaghora, “Oho, BWANA, kufunukuo lukundo lwako kwa Urimu kwa kutumia Walawi, wadumiki wako wa loli. Korewitimieghe aja Masa, kukawiwona kukaia waloli machinyi gha Meriba.

JAKOBO 4:3

Mwalomba ela ndempatagha, angu mwaawuyalomba kisha, mpate kuvitumia kwa bea renyu.

1 SAMUELI 14:37

Nao Sauli ukamkotia Mlungu ukighamba, “Welee, niwiserie Wafilisti? Kuchawifunya wikabo ni Waisraeli?” Ela ijo ituku Mlungu nderemtumbulieghe anduangi.

1 SAMUELI 28:15

Nao Samueli ukamzera Sauli, “Kwaki kwanisumbua na kuniwanga?” Sauli ukatumbulia, “Nakaia na wasi m'baa, kwa kukaia Wafilisti wiabonya wuda na ini, na Mlungu wanisigha ndewuenitumbulia sena kwa walodi, angu kwa ndodo, niko nakuwanga kunighorie agho ghinifwanagha kubonya.”

1 SAMUELI 28:5

Sauli uendawona majeshi gha Wafilisti, ukaobua na ngolo yake ikangilwa ni kiture na kusughusika nandighi.