1 SAMUELI 28:18 - Biblia Ilagho Jiboie Kwa Wandu Wose

¹⁸ Angu ndekoremsikireghe BWANA, kughukatishe momu ghwake ghowitotesha Waamaleki, niko nao moni wabonya ilagho iji kwako idime.

1 SAMUELI 28:18 ပူးပေါင်းရင်းမြစ်များ

1 WAZURI 20:42

Uja mlodi ukamzera mzuri, “BWANA waghamba welee, ‘Angu kwamlekeria mundu namreda na kumngira mikonunyi kwako eri kumtoteshe, irangi jako jichakaia wulalo ghwa irangi jake na wandu wako wichakaia wulalo ghwa wandu wake.’”

1 MALAGHO GHA NGELO 10:13

Sauli oofwa kwa kulegha kukaia mloli kwa BWANA; ukalegha kughiwadia malaghiro gha BWANA, ukaghenda kulola wulongozi kwa maroho,

JEREMIA 48:10

“Ndewado ni njowe uo ubonyagha kazi ya BWANA kwa wughadi, ndewado ni njowe uo usebwaghagha kwa lufu lwake.”

1 SAMUELI 13:9

Nao Sauli ukaghamba, “Niredienyi kizongona chekora aha, na kizongona cha mapatano.” Ukafunya kizongona chekora.

1 SAMUELI 15:20

Niko Sauli ukamzera Samueli, “Namsikira BWANA putu, ngaghenda sa iji koni BWANA orenidumieghe; nani namreda Agagi mzuri wa Amaleki, na kuwitotesha Waamaleki wose putu.

1 SAMUELI 15:28

Samueli ukamzera Sauli “BWANA waghurashua wuzuri ghwa Israeli kufuma kwako idime, na kughuneka mmbenyu uko mucha kukuchumba.

1 SAMUELI 15:9

Ela Sauli chiaimweri na wandu wake wikamsigha Agagi kimoyo, na ng'ondi na ng'ombe ribandie; na wana wa ng'ondi chiaimweri na vose verekoghe viboie; hata nderebwaghieghe kula kilambo putu putu, ela iveni vizamie na va kisha kisha.