1 SAMUELI 27:1 - Biblia Ilagho Jiboie Kwa Wandu Wose

¹ Daudi ukaghamba ngolonyi kwake, “Ituku jimu wanidu nibwaghwa ni Sauli. Ndekuwadie ilagho jingi izima jinitesiagha kuchumba kukimbia cha kwa Wafilisti; aho niko Sauli uchaakoja kuninugha andenyi ya isanga ja Israeli, nani nichakaia banana.”

1 SAMUELI 27:1 ပူးပေါင်းရင်းမြစ်များ

1 WAZURI 12:26

Jeroboamu ukaririkanya ngolonyi kwake, “Wuzuri ughu ghwadima kuwuya kwa nyumba ya Daudi.

1 WAZURI 12:28

Nyuma ya kujipima, ukachana ngache iwi ra dhahabu. Ukawizera wandu, “Mduajokali Jerusalemu; milungu yenyu hei ee wandu wa Israeli, iyo eremjosereghe kufuma isanga ja Misri.”

1 WAZURI 19:3

Elija ukaobua, ukakimbia kujikira irangi jake; ukaghendanya na mdumiki wake hata Beer-sheba aho Juda ukamsigha aho.

2 MALAGHO GHA NGELO 25:17

Niko mzuri Amazia wa Juda ukabonya njama, ukaduma malagho kwa Joashi mwana wa Jehoahazi wawae Jehu mzuri wa Israeli ukighamba, “Choo diwonane wushu kwa wushu.”

ZABURI 116:11

hata ngera nerekoghe nangilwa ni wowa na kughamba, “Ndeidimikagha kuwuyarumiria mndungi.”

ZABURI 55:7

hee, kumangu nadamara-mara kula, na kukaia kireti.

KUFUMA 14:12

Welee, huwu siko koni derekughoriagha diko Misri, angu kudileke diwidumikie Wamisri kuchumba kufuya aha kireti? Kwa kukaia yakaiagha baa isi kuwidumikia Wamisri kuchumba kufuya aha kireti.”

MAKATANISHO 13:12

Isuwirio jikasia, ngolo yadawuya mkongo; bea ikakatishwa, ni sa mudi ghwa irangi.

ISAYA 51:12

BWANA waghamba, “Ni Ini, ee, ni inimoni nikuhoreshagha, waghamba BWANA; kwaki oho kumuobuagha mdamu ufwagha, uo mwana wa mdamu uko sa nyasi riomagha shwa,

MITALO 14:3

Kwaki BWANA udighenjagha ijo isanga diendebwaghwa wudenyi na waka na wana wedu widwalo wunyika; si baa diwuye Misri?”

MATHAYO 14:31

Nao shwa wori Jesu ukaghughorua mkonu ghwake ukammbwada ukighamba, “Mundu wa irumirio itini oho, kwaki kwabonya kiture?”

MARKO 4:40

Niko Jesu ukawizera wanughi wake, “Kwaki mwaobua? Mduagha msene irumirio?”

2 WAKORINTHO 7:5

Angu hata iji derechieghe Makedonia, mimbi edu ndeerewonieghe kuhora kungi anduangi; ela derejishiroghe wasi kwa kula chia: cha shighadi, ni wuda; nandenyi, ni kuobua.

1 SAMUELI 16:1

BWANA ukamzera Samueli, “Kumsirimikia Sauli hata lii, na oho kwawonie kukaia ini namerie kumlegha usekaie mzuri aighu ya Israeli? Idana chura lwembe lwako mavuda, kughende Bethlehemu mzinyi kwa mundu uwangwaghwa Jese; kwa kukaia namerie kumsaghua umu wa wana wake ukaie mzuri.”

1 SAMUELI 16:13

Nao Samueli ukawada lwembe lwa mavuda, ukamshinga Daudi mavuda uko aghadi ya waruna; na Roho wa BWANA ukamchea Daudi kwa ndighi kufuma ituku ijo. Niko Samueli ukawuka na kuwuya cha Rama.

1 SAMUELI 20:3

Ela Daudi ukatumbulia, “Ndeyo waichi putu kukaia oho dakundane, nao waawuyaririkanya kukaia Jonathani ukamanya ilagho iji, uchakaia na wasi. Ela kughora loli, naghema kwako kwa irina ja BWANA uko moyo, naasighwa mlambo ghumweri tu aghadi yapo na kifwa.”

1 SAMUELI 22:5

Mlodi Gadi ukacha na kumzera Daudi, “Kusesindekuvisa aha, ghenda cha isanga ja Juda.” Niko Daudi ukafuma aho ukaghenda na kungia msidu ghwa Herethi.

1 SAMUELI 23:17

Ukamzera, “Kusakeobua, aba ndechaadima kukubonya ilagho jingi; oho kuchakaia mzuri aighu ya Israeli, na ini nichakaia aisi yako; hata aba moni waichi huwo.”

1 SAMUELI 25:30

Hata ingelo BWANA uchaakubonyera oho bwana wapo agho mecha ghose orekulaghirieghe, na kukubonya kukaie kilongozi aighu ya Israeli,

1 SAMUELI 26:19

Kwa huwo idana bwana wapo sikira malagho ghapo ini mdumiki wako. Ikakaia ni BWANA ukubonyere kunidiweghe huwu, nderumirie kizongona; ela ikakaia ni wadamu, ndewiwado ni njowe imbiri ya BWANA; kwa kukaia waniwinga nisepate iwaghio jingi ja ifwa ja BWANA; wikinizera, ‘Ghenda kuidumikie milungu mizima.’

1 SAMUELI 29:2

Hata iji vilongozi va Wafilisti werekoghe wikiida, wa ighana, na wa maelfu-elfu, Daudi nao chiaimweri na wandu wake, wikaida watua nyuma wikwanye na Akishi.

1 SAMUELI 29:3

Uja m'baa wa majeshi gha Wafilisti ukaghamba, “Awa Waebrania wibonyaki aha?” Akishi ukamtumbulia, “Uhu si uja Daudi m'baa wa Sauli mzuri wa Waisraeli, nao wakaia kwapo matuku na miaka. Kufuma wakimbia cha kwapo jingi siwonie ikosa jingi kwake hata linu.”