1 SAMUELI 26:19 - Biblia Ilagho Jiboie Kwa Wandu Wose

¹⁹ Kwa huwo idana bwana wapo sikira malagho ghapo ini mdumiki wako. Ikakaia ni BWANA ukubonyere kunidiweghe huwu, nderumirie kizongona; ela ikakaia ni wadamu, ndewiwado ni njowe imbiri ya BWANA; kwa kukaia waniwinga nisepate iwaghio jingi ja ifwa ja BWANA; wikinizera, ‘Ghenda kuidumikie milungu mizima.’

1 SAMUELI 26:19 ပူးပေါင်းရင်းမြစ်များ

KUZOYA 44:18

Nao Juda ukamsughudia Josefu ukamzera, “Ee bwana wapo, nakulomba kunirumirie nighore ilagho kwako bwana wapo; hata kusakenibonyera machu ini mdumiki wako, angu oho ni karakara na mzuri moni.

KUZOYA 8:21

Hata iji BWANA wasikira irumba jiboie ja icho kizongona, ukaghamba ngolonyi kwake, “Sichaaiwasira ndoe njowe sena kwa wundu ghwa mdamu, kwa kukaia maririkanyo gha ngolo ya mdamu kari kose ni mawiwi kufuma wanake ghwake, hata sichaachitotesha icho chose chiko moyo sena sa iji nabonya.

2 SAMUELI 14:16

Angu mzuri uchanisikira ini mdumiki wake na kunivuvua nisetotesho chiaimweri na mwana wapo; eri disecheinjwa kufuma kwa iji ifwa ja isanga dinekelo ni Mlungu.’

2 SAMUELI 16:10

Ela mzuri ukamzera, “Dekwanye wada inyo wana wa Seruia? Mwamanya wada ngera waadumwa ni BWANA uniewie? Nani udimagha kughiria isekaie huwo?”

2 SAMUELI 16:11

Daudi ukamzera Abishai na wabaa wake wose, “Ikakaia mwana wapo tiki waawuyalola kunifunya irangi japo, ni kuchumba saki uhu M'benjamini? Msighenyi uniewie, kewada ni BWANA wamzera.

2 SAMUELI 20:19

Ini ne umu wa waja wandu wikunde sere, sena wiko wa loli andenyi ya Israeli; oho kwakuwika tayari kughunona muzi ghuko sa mao andenyi ya Israeli; kwaki kunonagha ifwa ja BWANA?”

2 SAMUELI 21:3

Daudi ukawizera wandu wa Gibeoni, “Mwakunde nim'bonyereki? Ni chiaki nichaabonya kureda mapatano, eri muelo ni ngolo na wandu wa BWANA?”

2 SAMUELI 24:1

Ngelo imu, BWANA ukakaia wazamilwa ni Waisraeli, ukam'bonya Daudi uwiredie wasi, ukimzera, “Ghenda kuwitale wandu wa Israeli na wa Juda.”

1 WAZURI 22:22

BWANA ukaikotia, ‘Kumkalia-kalia wada?’ Ikatumbulia, ‘Nichaghenda ningire malagho gha tee andenyi ya walodi wake, wipate kuloda malagho gha tee.’ BWANA ukaghamba, ‘Oho kudima kumkalia, ghenda kumkalie, kuchasima.’

1 MALAGHO GHA NGELO 21:1

Nao Shetani ukawuka ukunde kulwa na Israeli, ukamngira Daudi ngolo ewitala wandu wa Israeli.

ZABURI 120:5

Ni bugha kwapo angu nawuyamara-mara andenyi ya isanga ja Mesheki, na kukaia aghadi ya hema ra Kedari!

ZABURI 20:4

Ndekuneke vose kukunde, na kuikatisha mipango yako yose.

MAKATANISHO 30:10

Kusakemmenya mdumiki kwa bwana wake usechekuewia, na oho kuwoneke mkosa.

ISAYA 60:5

Niko oho kuchawona na kuelwa ni ngolo, ngolo yako ichakaia na iseko na kuboilwa; kwa kukaia kucharedelwa mali nyingi kwa chia ya bahari, mali ra wandu wa iro mbari richaredwa kwako.

WALAWI 26:31

Nichabonya mizi yenyu iwue maghacho, na kunona andu konyu kotasira; nani nichavilegha vizongona venyu.

MITALO 36:7

Ifwa ja wandu wa Israeli ndejidimagha kufunywa kwa kivalwa cha wandu wa Israeli chichakaia na ifwa ja weke ndee.

MITALO 36:9

Kwa huwo, ndekuwadie ifwa jingi jichaafunywa kwa wandu wa Israeli, chichawadia ifwa jawo weni.’”

WAROMA 14:15

Ikakaia kuamvavira mwanyinyu kwa vindo kujagha, ndekuwueghenda kwa lukundo anduangi. Kwa kuja kwako, kusemtoteshe mwanyinyu uo Kristo orefueghe kwa wundu ghwake.

WAGALATIA 5:12

Awo wandu wawuyamjisha wasi huwo, ndewikudemaa-dema weni!

WUKUMBUSO 13:3

msemsikire. BWANA Mlungu onyu waawuyamtumia kumtima eri upate kumanya ngera mwamkunde BWANA Mlungu onyu kwa ngolo renyu rose, na kwa roho renyu rose.

2 TIMOTHEO 4:14

Alekizanda uja mchani wa shaba orenibonyereghe kiwiwi na ndighi; Bwana uchamlipa kwa mabonyo ghake.

1 SAMUELI 18:10

Nakesho yaro, ija roho mbiwi idumilo ni Mlungu ikamchea Sauli, ukakaia ukideda kisha kisha a nyumbenyi kwake ingelo Daudi orekoghe ukikaba kinubi sa matuku mazima ghiidie, na Sauli orekoghe wawadia ifumu jake mkonunyi.

1 SAMUELI 24:9

ukaghamba, “Kwaki kusikiragha malagho gha wandu wighoragha wei naawuyakunda kukubonya kiwiwi?

1 SAMUELI 25:24

Nao uko maghunyi kwa Daudi ukaghamba, “Ugho wuwiwi ndeghukaie aighu yapo bwana wapo, kunineke wulalo ghodedanya na oho, ini mdumiki wako; kusikire kililo chapo ini mdumiki wako.

1 SAMUELI 27:1

Daudi ukaghamba ngolonyi kwake, “Ituku jimu wanidu nibwaghwa ni Sauli. Ndekuwadie ilagho jingi izima jinitesiagha kuchumba kukimbia cha kwa Wafilisti; aho niko Sauli uchaakoja kuninugha andenyi ya isanga ja Israeli, nani nichakaia banana.”