1 SAMUELI 26:16 - Biblia Ilagho Jiboie Kwa Wandu Wose

¹⁶ Kwabonyere ilagho jizamie nandighi. Sa iji BWANA ukaiagha moyo, yakufwana kufwa; kwa kukaia ndekoremlindirieghe bwana wako, uo mshingwa mavuda wa BWANA. Zighana, ifumu jake na chija kiriba cherekoghe kaavui na chongo chake veko hao?”

1 SAMUELI 26:16 ပူးပေါင်းရင်းမြစ်များ

2 SAMUELI 12:5

Nao Daudi ukajokwa ni machu aighu ya uja mzuri wa mali ukamzera Nathani, “Sa iji BWANA ukaiagha moyo, uo mundu orebonyereghe huwo yamfwana ufo;

2 SAMUELI 19:28

Angu wandu wose wa nyumba ya aba, weeka sa wandu witanyiro kufwa imbiri ya bwana wapo mzuri; ela sena korenibonyereghe ini mdumiki wako nijeghe mezenyi kwa bwana wapo mzuri. Da ni hachiki niko nayo inibonyagha niwuemlilia mzuri.”

1 WAZURI 2:26

Niko Mzuri Solomoni ukamzera mkohani Abiathari “Ghenda cha mzinyi mzenyu Anathothi, kwa kukaia yakufwana kufwa. Ela kwa ngelo ihi sichaakubwagha, angu koreidukieghe Sanduku ya Ilaghano ja Bwana MLUNGU imbiri ya aba Daudi, sena kukaja wasi chiamweri na aba.”

ZABURI 102:20

upate kusikira kuruma kwa wafungwa, na kuwifungua awo weretanyiroghe kufwa.

ZABURI 79:11

Sikira kuruma kwa wafungwa, na kwa ndighi rako mbaa, kuwikire awo witanyiro kufwa.

WAEFESO 2:3

Na isi diwose derekoghe na bea ra mumbi aghadi kwawo, dikinugha bea ra mumbi na ra maririkanyo; na kwa asili, derekoghe aisi ya machu gha Mlungu, karakara na wandu wose.

1 SAMUELI 20:31

Ndekuichi iji mwana wa Jese uko moyo ndoenyi oho na wuzuri ghwako wori ndeghuchaakaia? Kwa huwo mdumirie uredo kwapo, angu ni suti ufo.

1 SAMUELI 24:6

ukawizera wandu wake, “BWANA unitesie nisem'bonye kiwiwi bwana wapo, uo mshingwa mavuda wa BWANA; hata nisetime kum'bonya ilagho jingi jizamie, angu uo ni mshingwa mavuda wa BWANA.”

1 SAMUELI 26:11

BWANA ndenitesie, jingi nisem'bonye kiwiwi mshingwa mavuda wa BWANA. Ela idana shoa ijo ifumu jiko chongonyi, na kiriba cha machi, dighende.”

1 SAMUELI 26:15

Daudi ukamzera Abneri, “Wele nechi ko mndwawomi? Nani umu uko sa oho andenyi ya Israeli? Kwaki sena kusemlindirie bwana wako mzuri? Kwa kukaia mndumu wachee kambinyi nakio upate kumtotesha bwana wako mzuri.

1 SAMUELI 26:9

Ela Daudi ukamzera Abishai, “Kusem'bonye ilagho jingi; kwani nani udimagha kum'bonya kiwiwi mshingwa mavuda wa BWANA uke usewadie makosa?”