1 SAMUELI 25:7 - Biblia Ilagho Jiboie Kwa Wandu Wose

⁷ Nasikire kukaia koko na wandu wedumbua ng'ondi mafuri; nesi derekwaneghe na walisha wako dikakanya nawo; ndederewibonyereghe ilagho jingi, hata ndewerelaghashireghe kindo chingi ngelo iro rose werekoghe aho Karmeli.

1 SAMUELI 25:7 ပူးပေါင်းရင်းမြစ်များ

2 SAMUELI 13:23

Nyuma ya miaka iwi kusia gi, Absalomu orekoghe na ng'ondi rake rikidumbulwa mafuri aja Baalhazori, kuko kaavui na Efraimu; na Absalomu ukawikaribisha wana wa mzuri wose.

2 SAMUELI 13:24

Absalomu ukacha kwa mzuri ukamzera, “Ola ini mdumiki wako nekwanye na wadumbui ng'ondi mafuri; nakulomba kuche karamunyi chiaimweri na vilongozi vako.”

LUKA 3:14

Masikari nawo wikacha na kumkotia, “Na isi dibonya wada?” Ukawizera, “Msakemsoka mndungi kilambo chingi kwa ndighi, angu kwa chia ya kumzighiria kwa tee, nenyo mkato ni mishahara enyu.”

WAFILIPI 2:15

mpate kukaia wandu mseghorwagha kiwiwi, hata kukaia na ikosa jingi anduangi; wana wa Mlungu msewadie iboli jingi, aghadi ya kivalwa chinonekie na cha kaung'a; mking'ala-ng'ala aghadi kwawo sa miengere wurumwengunyi.

WAFILIPI 4:8

Kutua wanidu, maza iro rose riko ra loli, iro rose riko ra ishima, iro rose riko ra hachi, iro rose rielie, iro rose riboie; ikakaia riko ringi ra sare ndicha, ikakaia ghuko wucha ghungi, ikakaia chiko kilambo chingi chifwanagha kukaswa; ririkanyenyi aighu ya maza iro.

1 SAMUELI 22:2

Kula mundu orekoghe na wasi, na uo orekoghe na sile, hata awo wiserekatoghe; wose wikamghendia, na kukukwanya nao, sa wandu maghana ana; nao moni ukakaia kilongozi wawo.

1 SAMUELI 25:21

Daudi orekoghe ukighamba ngolonyi kwake, “Kwa loli neebonya kazi nduu elindia mali ya umundu orekoghe nayo ichi kireti chose, hata nderelaghariloghe ni kilambo chingi chake; da hoyu wanilipa wuwiwi kwa ugho wucha nim'bonyere!