1 SAMUELI 25:34 - Biblia Ilagho Jiboie Kwa Wandu Wose

³⁴ Kwa kukaia loli, sa iji BWANA Mlungu wa Israeli ukaiagha moyo, uo waniwadia ini nisekubonye kiwiwi, ngera kuseshashireghe kukwana na ini, kumangu kesho kokio, mndungi wa womi ndasigharikagha kwa Nabali uko moyo.”

1 SAMUELI 25:34 ပူးပေါင်းရင်းမြစ်များ

KUZOYA 20:6

Nao Mlungu ukamzera uko ndodonyi, “Ee loli kwaghamba kwabonya huwo kwa ngolo ielie, ela ni ini moni nikutangalie kusenibonyere kaung'a; niko ngakughira kusemuadade.

JOSHUA 10:6

Nao wandu wa Gibeoni wikaduma momu kwa Joshua uko Gilgali wikighamba, “Kusakedisighia isi wadumiki wako, choo shwa-shwa kuditesie, kudikire, kwa kukaia wazuri wa Waamori wikaiagha isanga ja mighondinyi wadikwanyikia.”

JOSHUA 10:9

Joshua ukajoka kufuma Gilgali kio chee, ukawingiria wisemanyire.

1 SAMUELI 11:11

Nao nakesho yaro, Sauli ukawiwagha wandu mafungu adadu; wikaichea kambi ya Waamoni ndoe yalighisa kuela, wikawibwagha hata iruwa jikabia; na awo weresigharikieghe, wikakimbia kula mundu chia yake, kuseko na kunughana.

1 SAMUELI 25:18

Niko Abigaili ukabonya shwa-shwa, ukawada mikate maghana awi na viriba va mrongo va divei viwi, na ng'ondi isanu riochelo, na kilo ikumi na mfungade ra viro viochelo, na vanga ighana jimweri va zabibu riomie, na keki maghana awi ra tini; ukavidukishira weke punda.

1 SAMUELI 25:22

Ngamsighiagha mndungi wa womi nisem'bwaghie ndoe isetambukie, Mlungu unibwaghe.”

1 SAMUELI 25:26

Idana bwana wapo, sa iji BWANA ukaiagha moyo, na sa iji koni roho yako ikaiagha moyo, nawona kukaia BWANA wakughiria kusebonye kiwiwi chedia bagha, hata kulipia kisasi chingi kwa mkonu ghwako ghoni. Kwa huwo, awo wamaiza wako, na wose wikundagha kukubonya kiwiwi, ndewikabo sa Nabali.

1 SAMUELI 25:39

Daudi uendaghorelwa kukaia Nabali wafue, ukaghamba, “BWANA ndekaso, uo wanilipia kisasi kwa wundu ghwa agho nibonyero ni Nabali; nao wanilindia ini mdumiki wake nisebonye kiwiwi; BWANA wammbunjira Nabali ugho wuwiwi ughubonyere aighu kwake moni.” Niko Daudi ukaduma momu ghomchumbia Abigaili, eri upate kumlowua.